កូវីដ ផ្តាច់ជីវិតមនុស្សលើពិភពលោក លើស ៤លាននាក់ហើយ

ចំនួនអ្នកស្លាប់ជាសកលដោយសារជំងឺកូវីដ-១៩ បានកើនលើស៤លាននាក់ហើយ គិតត្រឹមថ្ងៃព្រហស្បតិ៍ទី៨ ខែកក្កដា ខណៈវិបត្តិនេះបានក្លាយជាការប្រកួតប្រជែង​ រវាងវ៉ាក់សាំងនិង វីរុសបំប្លែងខ្លួនឆ្លងខ្លាំង Delta។

ចំនួនសរុបនៃជីវិតមនុស្សដែលបាត់បង់ក្នុងរយៈពេលមួយឆ្នាំកន្លះ ដូចដែលបានចងក្រងពីប្រភពផ្លូវការរបស់សាកលវិទ្យាល័យ Johns Hopkins គឺស្មើនឹងចំនួនមនុស្ស ដែលបានស្លាប់នៅក្នុងសមរភូមិនៃសង្គ្រាមពិភពលោកទាំងអស់ គិតចាប់តាំងពីឆ្នាំ១៩៨២មក។

ចំនួនអ្នកស្លាប់នេះ គឺស្មើនឹង៣ដងនៃចំនួនអ្នកស្លាប់ដោយសារគ្រោះថ្នាក់ចរាចរណ៍នៅជុំវិញពិភពលោក ជារៀងរាល់ឆ្នាំ។

វាស្មើនឹងចំនួនប្រជាជននៃទីក្រុង Los Angeles ឬប្រទេស ហ្សកហ្ស៊ី ហើយ វាក៏ស្មើនឹងជាងពាក់កណ្តាលនៃប្រជាជនទីក្រុងហុងកុងឬជិត ៥០ភាគរយនៃប្រជាជនទីក្រុងញូវយ៉ក ផងដែរ។

ទោះបីជាយ៉ាងណាក៏ដោយ តួលេខនេះ ត្រូវបានគេគិតថា មិនមែនជាតួលេខពិតប្រាកដនោះទេ ពីព្រោះមានករណីជាច្រើនត្រូវបានគេមើលរំលង ឬលាក់បាំង៕

ប្រែសម្រួល៖ Vann Vann

ប្រភព៖ AP

ចុចអាន៖ ទើបព្រមានម្សិលមិញ ថ្ងៃនេះ ថៃ ប្រកាសមានអ្នកស្លាប់ដោយសារកូវីដ ច្រើនបំផុត បំបែកកំណត់ត្រានិងឆ្លងជាង ៧ពាន់ករណី