អគារមណ្ឌលព្យាបាលជំងឺកូវីដ ធំៗពីរកន្លែង នៅកោះកុង រៀប ចំរួច​រាល់ ​ត្រៀមដាក់អ្នកជំងឺឆ្លងថ្មី
Connect with us
Helistar Cambodia - Helicopter Charter Services

កូវីដ-១៩

អគារមណ្ឌលព្យាបាលជំងឺកូវីដ ធំៗពីរកន្លែង នៅកោះកុង រៀប ចំរួច​រាល់ ​ត្រៀមដាក់អ្នកជំងឺឆ្លងថ្មី

បានផុស

នៅ

អគារសាងសង់សម្រាប់ព្យាបាលអ្នកជំងឺកូវីដ១៩ ចំនួនពីរកន្លែងធំៗ ស្ថិតក្នុងក្រុងខេមរភូមិន្ទ ខេត្តកោះកុង សម្រេចបានស្ទើរតែ ១០០ ភាគរយ ហើយត្រៀមដាក់អ្នកជំងឺកូវីដ១៩ ដែលរកឃើញថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានមន្ទីរសុខាភិបាល ខេត្តកោះកុង លោក ទៅ ម៉ឹង បានឱ្យដឹងនៅរសៀល ថ្ងៃទី ១៣ ខែកក្កដានេះថា តបនឹងអ្វីដែលជាបទបញ្ជារបស់សម្តេចតេជោ និងរដ្ឋបាលខេត្ត មន្រ្តីជំនាញ និងក្រុមការងារពាក់ព័ន្ធកំពុងតែមមាញឹកខ្លាំងលើការរៀបចំកែលម្អ និងសង់បន្ថែមអគារព្យាបាលអ្នកកើតជំងឺកូវីដ១៩ចំនួន២កន្លែងធំៗបំពេញទៅតម្រូវការដាក់អ្នកជំងឺ។

លោកវេជ្ជបណ្ឌិត បានប្រាប់ថា គិតមកទល់ម៉ោងនេះ ដំណើរការរៀបចំតារីតុការ សម្រេចបានជិត១០០ភាគរយហើយ ពោលនៅសេស់សល់តែការងារតិចតួចប៉ុណ្ណោះទេ។ អគារព្យាបាលថ្មីនេះ អាចដាក់អ្នកជំងឺកូវីដជិត២០០នាក់។

លោកវេជ្ជបណ្ឌិត ទៅ ម៉ឹង លើកឡើងថា ស្ថានភាពរងនូវវិបត្តិកូវីដក្នុងខេត្តវាថយចុះ ឬកើនឡើង ខណៈរកឃើញអ្នកកើតជំងឺកូវីដច្រើនក្នុង១ថ្ងៃៗហើយក៏មានអ្នកជាសះស្បើយមួយចំនួនធំផងដែរ។ អ្វីដែលសំខាន់ជាងនេះទៀត គឺបន្តអនុវត្តឱ្យបានខ្ជាប់ខ្ជួនអ្វីដែលវិធានការសុខាភិបាលដាក់ចេញ៣កុំ និង៣ការពារ។

ចំណែកឯលោក ស្រេង ហុង អភិបាលរងខេត្តកោះកុង គូសបញ្ជាក់ដែរថា ក្រៅពីទីតាំងតារីតុការ ក៏មានមូលនិធិស្មាបាត់ដឹកនាំនាយឧត្តមសេនីយ៍ ប៊ុន លីត រៀបចំនៅអគារមណ្ឌលសូនឹង ក៏ជិតរួចរាល់ដែរត្រៀមទទួលអ្នកជំងឺកូវីដថ្មីបានជិត​៦០០នាក់ស្មើនឹង៣អគារ។

លោក ស្រេង ហុង អះអាងថា សព្វថ្ងៃក្រុមការងារ សម្រុករៀបចំជាគ្រែសម្រាក បំពង់ឧកស៊ីសែនសង្រ្គោះបន្ទាន់ បន្ទប់ទឹក​បង្គន់ តម្លើងអគ្គិសនីប្រើប្រាស់ និងរោងស្នាក់នៅហូបអាហាររបស់ក្រុមគ្រូពេទ្យជាដើម។

បច្ចុប្បន្ន ខេត្តកោះកុងមានអ្នកជំងឺកូវីដជាង ៣ ពាន់នាក់ (៣.០២០) ស្ត្រីចំនួន ១ ៩៤៩ ជាសះស្បើយ ១ ៦៦៦នាក់ និងស្លាប់ ១៧ នាក់​៕

អត្តបទៈ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services