កូវីដ-១៩

ប្រធានក្រុមការងាររបស់រាជរដ្ឋាភិបាលចុះជួយមូលដ្ឋានឃុំបន្ទាយពង្រឹងវិធានការការពារទប់ស្កាត់ការឆ្លងរីករាលដាលជំងឺកូវីដ១៩

បានផុស

៥ years មុន

នៅ

ថ្ងៃអង្គារ ២០ កក្កដា ២០២១

ដោយ

កំពង់ធំ ៖ ឧត្ដមសេនីយ៍ទោ សោម ស៊ុន ប្រធានក្រុមការងាររបស់រាជរដ្ឋាភិបាលចុះជួយមូលដ្ឋានឃុំបន្ទាយ ស្ទោង បានដឹកនាំកិច្ចប្រជុំជាមួយអាជ្ញាធរឃុំ ដើម្បីពង្រឹងវិធានការបន្ថែមក្នុងការពារទប់ស្កាត់ការ ឆ្លងរីករាលដាលជំងឺកូវីដ១៩ នៅសាលាឃុំបន្ទាយស្ទោង ស្រុកស្ទោង ខេត្តកំពង់ធំ នៅព្រឹកថ្ងៃទី២០ ខែកក្កដា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សូត្រ អ៊ុល ប្រធានក្រុមប្រឹក្សាឃុំបន្ទាយស្ទោង បានរាយការណ៍ពី ការគ្រប់គ្រង និងណែនាំប្រជាពលរដ្ឋ ចូលរួមប្រយុទ្ធប្រឆាំង ការពារទប់ស្កាត់ការឆ្លងរីករាលដាលជំងឺកូវី១៩ ទាំង១៥ភូមិ ស្ថិតនៅក្នុងឃុំបន្ទាយស្ទោង និងមានប្រជាពលរដ្ឋចំណាកស្រុក ទៅធ្វើការនៅប្រទេសថៃ វិលមកលំនៅដ្ឋានវិញ ត្រូវបានចត្តាឡីស័កនៅតាមលំនៅឋាននីមួយៗគ្រប់ គ្រងយ៉ាងម៉ត់ចត់ពីអាជ្ញាធរដែនដីឃុំ.ភូមិ តាមការណែនាំរបស់ក្រសួងសុខាភិបាល។

ឧត្ដមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ កោតសរសើរការគ្រប់គ្រងប្រជាពលរដ្ឋបានល្អ ក្នុងការទប់ស្កាត់ការឆ្លងរីករាលដាលកូវីដ១៩ ខណៈបច្ចុប្បន្ននៅទូទាំងឃុំ មិនទាន់មានការឆ្លងរីករាលដាលជាថ្មីទៀតឡើយ ដោយបងប្អូនភាគច្រើនបានយល់ ដឹងនិងអនុវត្តន៍បានល្អនូវវិធានការបីការពារនិងបីកុំរបស់សម្តេចតេជោហ៊ុន សែន។

ឧត្ដមសេនីយ៍ទោ សោម ស៊ុន បានឧបត្ថម្ភនូវគ្រឿងឧបភោគបរិភោគមួយចំនួនដល់អាជ្ញាធរឃុំ ដើម្បីដោះស្រាយជូនប្រជាពលរដ្ឋ ដែលមានជីវភាពលំបាកខ្វះខាត ដោយរងផលប៉ះពាល់ដោយសារការឆ្លងរីក រាលដាលជំងឺកូវីដ១៩ផងដែរ ក្រុមប្រឹក្សាឃុំបន្ទាយ បានថ្លែងអំណរគុណដ៏ជ្រាលជ្រៅ ឧត្ដមសេនីយ៍ទោ សោម ស៊ុន និងក្រុមការងាររបស់រាជរដ្ឋាភិបាលចុះជួយមូលដ្ឋានឃុំបន្ទាយស្ទោង ដែលជានិច្ចជាកាលបានផ្សារភ្ជាប់ពីសុខទុក្ខជាមួយ អាជ្ញាធរដែនដី និងប្រជាពលរដ្ឋនៅឃុំបន្ទាយស្ទោង និងសូមជូនពរឯកឧត្ដម និងក្រុមការងារ ជួបតែសេចក្ដីសុខសេចក្ដីចម្រើន ជៀសផុតពីជំងឺកូវីដ១៩៕

ដោយ ៖ ប៊ុន រដ្ឋា