រយៈពេល ៧ ថ្ងៃ កម្ពុជា រកឃើញអ្នកឆ្លង អូមីក្រុង ក្នុងសហគមន៍ ជាង ៣,៣ ពាន់ករណី

ត្រឹមតែរយៈពេល ៧ ថ្ងៃចុងក្រោយនេះ ព្រះរាជាណាចក្រកកម្ពុជា បានរកឃើញប្រជាពលរដ្ឋឆ្លងជំងឺកូវីដ១៩ ប្រភេទ អូមីក្រុង នៅក្នុងសហគមន៍ ជាង ៣ ៣២៧ ករណី ក្នុងចំណោម ករណីឆ្លងសរុបទាំងក្នុងសហគមន៍ និងមកពីក្រៅប្រទេសចំនួន ៣ ៤៣៦ ករណី ពោលគឺ ការឆ្លងពីក្រៅប្រទេស មានចំនួន ១០៩ ករណី។

នៅថ្ងៃទី២២ ខែកុម្ភៈ ឆ្នាំ២០២២នេះ ក្រសួងសុខាភិបាល បានបង្ហាញទិន្នន័យឆ្លងថ្មី៖

១. នៅថ្ងៃទី២១ ដោយមានករណីឆ្លងក្នុងសហគន៍ចំនួន ៥៧២ នាក់ ក្នុងចំណោមករណីឆ្លងថ្មីសរុប ៥៩៨ នាក់។

២. នៅថ្ងៃទី២០ ដោយមានករណីឆ្លងក្នុងសហគន៍ចំនួន ៤៧៣ នាក់ ក្នុងចំណោមករណីឆ្លងថ្មីសរុប ៤៨៨ នាក់។

៣. នៅថ្ងៃទី១៩ ដោយមានករណីឆ្លងក្នុងសហគន៍ចំនួន ៧៣០ នាក់ ក្នុងចំណោមករណីឆ្លងថ្មីសរុប ៧៣៦ នាក់។

៤. នៅថ្ងៃទី១៨ ដោយមានករណីឆ្លងក្នុងសហគន៍ចំនួន ៥៣៩ នាក់ ក្នុងចំណោមករណីឆ្លងថ្មីសរុប ៥៥២ នាក់។

៥. នៅថ្ងៃទី១៧ ដោយមានករណីឆ្លងក្នុងសហគន៍ចំនួន ៣៨៨ នាក់ ក្នុងចំណោមករណីឆ្លងថ្មីសរុប ៤១៤ នាក់។

៦. នៅថ្ងៃទី១៦ ដោយមានករណីឆ្លងក្នុងសហគន៍ចំនួន ៤៣០ នាក់ ក្នុងចំណោមករណីឆ្លងថ្មីសរុប ៤៤៤ នាក់។

៧. នៅថ្ងៃទី១៥ ដោយមានករណីឆ្លងក្នុងសហគន៍ចំនួន ១៩៥ នាក់ ក្នុងចំណោមករណីឆ្លងថ្មីសរុប ២០៤ នាក់។

គួររំលឹកថា វីរុសកូវីដ-១៩បំប្លែងថ្មី​ អូមីក្រុង ត្រូវបានរកឃើញឆ្លងរាលចូលក្នុងសហគមន៍ជាលើកដំបូង នៅថ្ងៃទី០៨ ខែមករា ឆ្នាំ២០២២។ គិតត្រឹមថ្ងៃទី២១ ខែកុម្ភៈ នេះ កម្ពុជា បានរកឃើញ ករណីអូមីក្រុងក្នុងសហគមន៍សរុបចំនួន ៦ ៣៧៨ ករណី ខណៈករណីអូមីក្រុងនាំចូលពីក្រៅប្រទេស មានចំនួន ២០ ៦១៣ ករណី ក្នុងចំណោមករណីឆ្លងកូវីដសរុប មានចំនួន ១២៧ ៥៧៥ ករណី ទន្ទឹមពេល អ្នកជាសះស្បើយសរុប មានចំនួន ១២១ ១២៥ ករណី និងស្លាប់សរុប មានចំនួន ៣ ០២២ ករណី។ រដ្ឋាភិបាលបានជ្រើសរើសយកការចាក់វ៉ាក់សាំងកូវីដ-១៩ និងការអនុវត្តវិធានការសុខាភិបាល ៣កុំ ៣ការពារ ជាមធ្យោបាយចម្បងក្នុងការទប់ស្កាត់ និងប្រយុទ្ធប្រឆាំងជំងឺកូវីដ-១៩៕

អត្ថបទ៖ ច័ន្ទ វីរៈ