១ សប្តាហ៍នេះ កម្ពុជាមានករណីឆ្លងជំងឺកូវីដ-១៩ ប្រភេទ អូមីក្រុង ជាង ៤៧០ ករណី

នៅក្នុងរយៈពេលមួយសប្តាហ៍ចុងក្រោយនេះ កម្ពុជាមានករណីឆ្លង ជំងឺកូវីដ-១៩ ប្រភេទអូមីក្រុង ថយចុះជាបន្តបន្ទាប់ គឺមានប្រមាណ ៤៧៥ ករណី ក្នុងនោះមានអ្នកឆ្លងក្នុងសហគមន៍ ៤៤៣ ករណី និងស្លាប់ ៣ ករណី។

យោងតាមរបាយការណ៍របស់ក្រសួងសុខាភិបាលបានឱ្យដឹងថា ក្នុងចំណោមករណីឆ្លង ៤៧៥ ករណី ក្នុងនោះនៅថ្ងៃទី២១ ខែមីនា មានឆ្លង ៩៩ ករណី មានឆ្លងសហគមន៍ ៩២ ករណី ស្លាប់ ១ ករណី។ ថ្ងៃទី២២ មីនាមានឆ្លង ៧៣ ករណី ក្នុងនោះឆ្លងសហគមន៍ ៦៥ ករណី។ ថ្ងៃទី២៣ មីនាមានឆ្លង ៦៤ ករណី ឆ្លងសហគមន៍ទាំង ៦៤ ករណី ស្លាប់២ករណី។ ថ្ងៃទី២៤ មានឆ្លង ៦៣ ករណី ឆ្លងសហគមន៍ ៦៣ ករណី។ ថ្ងៃទី២៥ មីនា មានឆ្លង ៥៩ ករណី ឆ្លងសហគមន៍ ៥៨ ករណី។ ថ្ងៃទី២៦ មីនា មានឆ្លង ៥៨ ករណី ឆ្លងសហគមន៍ ៥៤ ករណី និងថ្ងៃទី២៧ មីនា មានឆ្លង ៥៩ ករណី ឆ្លងសហគមន៍ ៥៩ ករណី។

គិតត្រឹមព្រឹកថ្ងៃទី២៧ ខែមីនា ឆ្នាំ២០២២ កម្ពុជាមាន អ្នកឆ្លងជំងឺកូវីដ-១៩ សរុប ១៣៥ ៤៦១ នាក់ អ្នកជាសះស្បើយចំនួន១៣១ ៤១៤ នាក់ និងមានអ្នកស្លាប់ចំនួន ៣ ០៥៤ នាក់។

សូមរំលឹកថា កម្ពុជាបានរកឃើញករណីជំងឺកូវីដ-១៩ ប្រភេទអូមីក្រុង កាលពីថ្ងៃទី១៤ ខែធ្នូ ឆ្នាំ២០២១ កន្លងទៅនេះ៕

អត្ថបទ៖ សំអឿន