បើចង់ឱ្យ Queen កម្ពុជា ចូល Top ជ្រៅ អាចឱ្យអន្តរជាតិស្គាល់កាន់តែច្បាស់ ត្រូវតែរួមដៃគ្នាបោះឆ្នោតគាំទ្រ

បើរួមដៃគ្នាបោះឆ្នោតគាំទ្រ នឹងជំរុញឱ្យ Queen កម្ពុជា ឈានទាន់កាន់ Top ជ្រៅនិងបន្តដំណើរតំណាងកម្ពុជាបានវែងឆ្ងាយជាងនេះ ក្នុងន័យដើម្បីឱ្យអន្តរជាតិស្គាល់កាន់តែច្បាស់ពីកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់មកុដ Miss Universe Cambodia 2025 អ្នកនាង ថៃ នារីសុជាតា ហៅ ហ្វីយ៉ាតា ដែលតំណាងឲ្យកម្ពុជាចូលរួមប្រកួតលើឆាកអន្តរជាតិបានស្នើដោយទទូចដល់អ្នកគាំទ្រ និងអ្នកស្នេហាវិស័យបវកញ្ញានៅកម្ពុជា ត្រូវរួមដៃគ្នាបោះឆ្នោតបើចង់ឱ្យ Queen កម្ពុជា ចូលTopជ្រៅ ដើម្បីឱ្យអន្តរជាតិបានស្គាល់យើងកាន់តែច្បាស់។

បវរកញ្ញា ហ្វីយ៉ាតា បានបង្ហោះសុំការគាំទ្រពីសំណាក់មហាជនកម្ពុជាដូច្នេះថា “ចង់ឱ្យ Queen កម្ពុជាចូល Top ជ្រៅយើងត្រូវរួមដៃគ្នាគ្មានអ្នកទាំងអស់គ្នាចូលរួម Queen យើងមិនអាចធ្វើវាម្នាក់ឯងបានទេ” និងស្នើសុំឱ្យមានការចូលរួមបោះឆ្នោតជូនដល់បវរកញ្ញាឯកចក្រវាឡកម្ពុជាដើម្បីឈ្នះការប្រកួត MISS UNIVERSE លើកទី៧៤ ឬចូលទៅកាន់កំពូល Top ចុងក្រោយណាមួយនៃកម្មវិធី MISS UNIVERSE 2025។

ហ្វីយ៉ាតា បានបញ្ជាក់ថា រាល់ថវិកាសរុបដែលទទួលបានពីសាធារណជន នឹងប្រើប្រាស់សម្រាប់ការបោះឆ្នោត ឯថវិការដែលនៅសល់ពីចំនួននៃសំឡេងឆ្នោត នឹងប្រកាសជារៀងរាល់ថ្ងៃជូនសាធារណ:ជនឱ្យបានដឹង។

ម្ចាស់មកុដ Miss Universe Cambodia 2025 រូបនេះបានបន្ថែមថា នេះគឺជាពេលវេលាដែលប្រជាជនកម្ពុជារួមកម្លាំងគ្នាដើម្បីឱ្យអន្តរជាតិបានស្គាល់យើងកាន់តែច្បាស់។ ទន្ទឹមគ្នានេះមានអ្នកគាំទ្រជាច្រើនបង្ហាញការលើកទឹកចិត្ត ខណ:ក៏មានការជូនពរឱ្យ ហ្វីយ៉ាតា ទទួលបានជោគជ័យក្នុងការប្រកួតផងដែរ៕ ចាន់រ៉ា