ជីវិតកម្សាន្ដ

ជា វិបុល និង គង់ សុជាតិ ទម្លាយពីអាថ៌កំបាំងជីវិត ដែលធ្លាប់ជួបការលំបាក

បានផុស

៦ years មុន

នៅ

ថ្ងៃអង្គារ ១០ វិច្ឆិកា ២០២០

ដោយ

គិតរហូតមកទល់ពេលនេះ ចំណងស្នេហាជាប្តីប្រពន្ធរវាងពិធីករប្រុស និងពិធីការិនីស្រី សម្តីចាក់ទឹកមិនលិច គឺលោក ជា វិបុល និងអ្នកនាង គង់ សុជាតិ បានរយៈពេល៥ឆ្នាំមកហើយ ខណៈពួកគេ ក៏បានបង្កើតកូន ដែលជាដំណក់ឈាមរួមគ្នាជាចំណងដៃនៃអាពាហ៍ពិពាហ៍ផងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ បើតាមការកត់សម្គាល់របស់មហាជនសម្ព័ន្ធភាពស្នេហារវាងលោក ជា វិបុល និងអ្នកនាង គង់ សុជាតិ ចាប់តាំងចាប់ដៃគ្នាសាងសុភមង្គលជាប្តីប្រពន្ធនោះ គឺអ្នកទាំងពីរតែងទទួលបានការគាំទ្រ និងស្ងើចសរសើរពីសំណាក់អ្នកគាំទ្រ ក៏ដូចមិត្តភ័ក្ដិ ស្ថិតក្នុងរង្វង់សិល្បៈផងដែរ តាមរយៈការបង្ហាញភាពផ្អែមល្ហែម ដោយមានសេចក្តីសុខជាមួយគ្នា។ ប៉ុន្តែទើបតែអំឡុងពេលមួយរយៈចុងក្រោយនេះ ក៏ស្រាប់តែមានរឿងរង្គោះរង្គើលេចឮថា លោក ជា វិបុល លួចលាក់មានស្រីក្រៅក្បត់ចិត្តភរិយា គង់ សុជាតិ។

ទោះបីជាយ៉ាងណាក្តី ក្រោយពេលដំណឹងនេះ ត្រូវបានរសាត់បាត់ឆ្ងាយពេលនេះ លោក ជា វិបុល និងអ្នកនាង គង់ សុជាតិ ក៏ចាប់ផ្តើមសារជាថ្មីនូវការបង្ហាញរូបភាពស្និទ្ធស្នាល ដោយមានសេចក្តីសុខជាមួយគ្នាបំផុត។ ជាក់ស្តែងនៅឱកាស នៃថ្ងៃគម្រប់ខួបអាពាហ៍ពិពាហ៍៧ឆ្នាំ គេសង្កេតឃើញលោក ជា វិបុល បានផ្តល់ភាពកក់ក្តៅដល់ភរិយាអ្នកនាង គង់ សុជាតិ ជាមួយពាក្យពេចន៍ផ្អែមល្ហែមនិងអាថ៌កំបាំងជីវិត ផងដែរ។

លោក ជា វិបុល បានថ្លែងរៀបរាប់ដូច្នេះថា ថ្ងៃនេះជាថ្ងៃខួបអាពាហ៍ពិពាហ៍៧ឆ្នាំហើយ ដែលយើងទាំងពីរនាក់ បានផ្ទឹមចូលនឹមបរលើផ្លូវជីវិតរួមគ្នា មើលខុសត្រូវថែរក្សាគ្នា ដោយប៉ុន្មានឆ្នាំមកនេះយើង ក៏បានហែលឆ្លងនូវរឿងជាច្រើនទាំងសុខ និងទុក្ខជាមួយគ្នារាប់មិនអស់។ អរគុណអូនសម្រាប់ការរួមរស់ជាមួយបង។

លោក ជា វិបុល បានបន្ថែមថា អូនអត់ធ្មត់គ្រប់បែបយ៉ាង បើទោះបីជាមានបញ្ហាយ៉ាងណាក៏ដោយ អូននៅតែអធ្យាស្រ័យឲ្យបង សម្របជីវិតរស់នៅអោយចុះសម្រុងគ្នា ដើម្បីភាពរុងរឿង សុភមង្គល ក្នុងគ្រួសារយើងនឹងរួមលើផ្លូវសុខទុក្ខ ដ៏វែងឆ្ងាយមួយនេះលុះអវសាន។ ឆ្លើយនឹងសម្តីសា្វមីអ្នកនាង គង់ សុជាតិ បានបញ្ជាក់ទៅវិញថា ៧ឆ្នាំកន្លង ដោយអត្ថន័យស្នេហាមានន័យជ្រៅពេកកន្លង អូនពិតប៉ុនប៉ងរួមមេត្រី អរគុណនូវគ្រប់អ្វីៗដែលថ្លៃផ្ដល់ឲ្យ… Happy 7th Anniversary my lovely husband !!៕

អត្ថបទ៖ ចាន់រ៉ា

សូមចុចអាន៖ ដំណឹងមរណភាពរបស់លោក នី សាលឿន ធ្វើឲ្យ ដួង វិរៈសិទ្ធិ នឹកឃើញពាក្យប៉ុន្មានឃ្លានេះ