អុឹម ជីវ៉ា ឆ្លើយតបក្រោយមានអ្នករិះគន់ទៅបុណ្យតែតារាល្បីៗចំណែកតារាអត់ល្បីមិនដែលឃើញមុខ

តារាប្រុសលោក អុឹម ជីវ៉ា បានចេញមុខឆ្លើយតបភ្លាមៗបន្ទាប់ពីមានមតិមួយចំនួនបានធ្វើការរិះគន់ថា លោករាប់អានអ្នកសិល្ប:មិនដូចគ្នាពោលគឺទៅបុណ្យតែតារាល្បីៗចំណែកតារាអត់ល្បីមិនដែលឃើញវត្តមានចូលរួម។

ឆ្លើយតបនឹងការលើកឡើងបែបនេះតារាសម្តែងលោក អុឹម ជីវ៉ា បានបញ្ជាក់ថា មុននឹងថាលោកទៅបុណ្យតែតារាល្បីពួកអ្នកគួរយកខួមកគិតផង ហើយទៅសួគ្រួសាសពផងបុណ្យសពតារាក៏ខ្លួនទៅដែរទោះអ្នក នោះល្បីមិនល្បីក៏ដោយលោកមិនប្រកាន់អ្នកណាឡើយ ទាំងនេះជាសកម្មភាពរូបថតបន្ថែមទៀតនាពេលកន្លងមក ។

លោក អុឹម ជីវ៉ា ផ្តាំទៅអ្នកមួយចំនួនថា អាចស្អប់ឬមិនចូលចិត្តលោកបាន តែក៏កុំលាបពណ៌ ព្រោះលោកមិនមែនជាមនុស្សសម្តែងជាមនុស្សទៅជួយគេយកមុខនោះឡើយ។ លោកថា ខ្វះអីកន្លែងយកមុខ អ្នកណាមានពេលទៅយកមុខនៅបុណ្យសព ប៉ុន្តែអ្វីដែលលោកធ្វើ គឺបំណងសាងតែល្អទេ ហើយបើអ្នកណានិយាយមិនពិត លោកបានត្រឹមតែលើកបួងសួងឱ្យទទួលផលកម្មដែលអ្នកនោះបានសាងប៉ុណ្ណោះ។

កាលពីថ្មីៗកន្លងទៅលោក ជីវ៉ា ក៏បានបង្ហោះខ្លឹមសារថា “ចាត់ទុកថាលោកគឺជាបុគ្គលអ្នកសិល្បៈដែលមកបុណ្យសពអ្នកសិល្បៈច្រើនជាងគេបំផុត អ្នកសិល្ប:ពេលឈឺត្រូវបង្ហាះឱ្យមហាជនដឹង កុំខ្មាសគេ កុំខ្វល់ពាក្យថាពេលឈឺសុំជំនួយអ្នកដែលនិយាយថាអោយសិល្បៈ អ្នកនោះគឺមិនដែលជួយទេ”។

លោកបន្តថា លោកដឹង អ្នកណាក៏ដូចអ្នកណា ពេលឈឺត្រូវការលុយព្យាបាល អ្នកណាជួយទទួលអ្នកមិនជួយកុំខ្វល់គួរបណ្តោយគេនិយាយទៅកុំខ្វល់។ លោកបន្ថែមដែរថា “អ្នកសិល្បៈខ្លះមិនមែនតែមកបុណ្យសពទេ ពេលនៅរស់ពេលឈឺក៏ជីវ៉ា មកសួសុខទុក្ខដែរមិនមែនចាំដល់ស្លាប់បានមកឡើយ។ បុណ្យសពអ្នកល្បីអ្នកមិនល្បីទៅចូលរួមទាំងអស់មិនប្រកាន់មិនខ្លាចឆុងមិនខ្លាចខ្មោចអ្វីដែលខ្ញុំខ្លាចគឺ ខ្លាចមនុស្ស ព្រោះមនុស្សខ្លះឥឡូវសាហាវជាងបិសាចខ្មោចទៀត”៕ ដោយ ៖ ចាន់រ៉ា