តារាកូនកាត់ ណាសាឌី ដាក់ចំៗឱ្យក្រុមជ្រុលនិយមថៃ ក្រោយហ៊ានហាមប្រាមមិនឱ្យជាន់ដីថៃ

តារាស្រីកូនកាត់ខ្មែរ-ថៃកញ្ញា ណាសាឌី បានបញ្ចេញប្រតិកម្មឆ្លើយតបយ៉ាងចាស់ដៃទៅលើក្រុមជ្រុលនិយមថៃ ដែលផ្ញើសារបណ្តេញកញ្ញាឱ្យចេញពីប្រទេសដែលល្បីល្បាញខាងឈ្លានពានកម្ពុជានោះ ក្នុងន័យថា ខ្លួនពិតជារអើមនឹងនៅប្រទេសថៃណាស់។

តារាសម្តែងកូនកាត់រូបនេះ អះអាងថា កាលដែលចេញសារបែបនេះ ក៏ព្រោះតែបច្ចុប្បន្ន ក្រុមជ្រុលនិយមថៃទាំងអស់នោះ កំពុងតាមដាន page ខ្លួន និងហាមប្រាមកញ្ញាមិនឱ្យជាន់ដីប្រទសថៃឡើយ។ ដូចនេះ កញ្ញាបញ្ចេញសារក្នុងចេតនាបង្ហាញឱ្យពូកជ្រុលនិយមបានឃើញជាក់តែម្តងថា ខ្លួនពិតជាស្អប់ខ្ពើមនឹងរស់នៅប្រទេសថៃណាស់ និងគូសបញ្ជាក់ថាសូម្បី passport ID card មិនដែលប្រេីម្តងផង។

កញ្ញា ណា សាឌី បន្តថា នៅស្រុកខ្មែរស្រួលរស់នៅណាស់ ហេតុអីត្រូវចង់ទៅនៅស្រុកថៃធ្វេីអី្វ? ជាមួយគ្នានេះ ណា សាឌី ក៏ចង់ឃើញការព្រមព្រៀងបទឈប់បាញ់ផងដែរ ដោយនាងលើកឡើងថា សូមឱ្យការព្រមព្រៀងបទឈប់បាញ់ទទួលបានជោគជ័យ។

កញ្ញាបន្ថែមថា ជិតមួយខែនេះប្រជាជនខ្មែររងទុក្ខពេកហេីយបានហេីយ ឈប់ទៅ រស់នៅរៀងខ្លួនទៅអ្នកមិនស្រលាញ់ប្រជាជនអ្នក តែពួកខ្ញុំកម្ពុជាស្រលាញ់គ្នាណាស់។

សូមជម្រាបដែរថា តារាស្រីកញ្ញា ណាសាឌី ជាកូនកាត់ដែលមានម្តាយ​ជា​ជនជាតិ​ខ្មែរចំណែកឯឪពុកជាជនជាតិថៃហើយកញ្ញា ណាសាឌី ក៏ជាពីធីការិនី និងតារាសម្ដែងទទួលបានគាំទ្រច្រើនពីសំណាក់មហាជន ពិសេសបើនិយាយពីការងារវិញ កញ្ញាពិតជាមានភាពមរមាញឹកច្រើន៕ ដោយ ៖ ចាន់រ៉ា