ទោះ​មាន​កូន​ហើយ Chompoo នៅ​តែ​មាន​រូបរាង​ស្រស់ស្អាត​និងកាន់​តែ​ស៊ិចស៊ី​ជាង​មុន

មានកូនភ្លោះ២មិនជាបញ្ហា សំខាន់តាំងពីសម្រាលរួចរហូតមកដល់ពេលនេះ Chompoo Araya មើលថែរក្សាសម្រស់រូបរាងរប​ស់​នា​ង​​បានយ៉ាងល្អ មិនឲ្យខូចឈ្មោះកំពូលតារាឆ្នើមរបស់សិល្បៈថៃនោះឡើយ។

ថ្មីៗនេះ Chompoo និងស្វាមី ព្រមជាមួយកូនភ្លោះរបស់នាង បាននាំគ្នាដើរលេងកម្សាន្តជាលក្ខណៈគ្រួសារយ៉ាងសប្បាយរីករាយ ជា​មួយនឹងការតែងខ្លួនបែបងាយៗផងដែរ។ ក្រៅពីរូបភាពដ៏មានសុភមង្គលក្នុងគ្រួសារហើយនោះ Chompoo បានធ្វើឲ្យអ្នកគាំទ្រ​ចាប់​អារម្មណ៍ខ្លាំង ហើយតាមសំឡឹងភ្លឹកមិនតិចនាក់ទេ ក្រោយបានឃើញរូបភាពស៊ិចស៊ីទាក់ភ្នែករបស់អ្នកម្ដាយសម័យថ្មីរូបនេះ បង្ហោះនៅលើអ៊ីនស្តាក្រាម។

ចាប់អារម្មណ៍ខ្លាំង ព្រោះតែតារារូបនេះ បានបង្អួតរូបរាងដ៏ស៊ិចស៊ីស្រឡូនស្អាត ក្បាលពោះរាបស្មើធេង នៅក្នុងឈុតប៊ីគីនីពណ៌ស នៅ​កណ្ដាលវាលល្វឹង មិនចាញ់ក្រមុំៗ។ រូបភាពរបស់ Chompoo ធ្វើឲ្យគេលាន់មាត់សរសើរយ៉ាងខ្លាំង ពីភាពស្អាតមិន​មាន​ស្រុ​ត​ចុះ​​រ​បស់នាង។ វាក៏ប្រៀបបានដូចជាចំណងមួយ ដែលបានចងរឹតស្វាមីសេដ្ឋីឲ្យកាន់តែស្រលាញ់នាងលើសដើមផងដែរ៕

អត្ថបទផ្ដល់ដោយ៖Poraman

ចុចអាន៖ក្រៀមក្រំបំផុត! Lisa និយាយទាំងសោកសៅ នៅពេលជីតាស្លាប់ នាងមិនបានពោលពាក្យលា

ចុចអាន៖មិននិយាយច្រើនទេ! Mai បង្ហោះសារផ្អែមល្ហែម មិនដល់មួយបន្ទាត់ដាក់ Ter