ជីវិតកម្សាន្ដ

វណ្ណដា ត្រូវបានតារាស្រីសិចស៊ី អាណារ៉ូស ប្រកាសចង់ជួបផ្ទាល់

បានផុស

៦ years មុន

នៅ

ថ្ងៃចន្ទ ២៣ វិច្ឆិកា ២០២០

ដោយ

តារាសម្តែងស្រីសិចស៊ីនិងល្បី នៅលើបណ្តាញសង្គមហ្វេសប៊ុក តាមរយៈរឿងអាស្រូវមួយចំនួនកញ្ញាអាណារ៉ូស បានធ្វើឲ្យមហាជនមានការភ្ញាក់ផ្អើលនិងចាប់អារម្មណ៍ខ្លាំង ខណៈនៅសុខៗស្រាប់តែតារាស្រីរូបនេះ ចេញមុខប្រកាសក្តែងៗបង្ហាញពីគោលបំណង ចង់ជួបផ្ទាល់ជាមួយតារាចម្រៀងរ៉េប វណ្ណដា ដោយបើកចំហ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសរបស់តារាស្រីសម្បូរសាច់ដើមទ្រូងកញ្ញា អាណារ៉ូស ពេលនេះកំពុងក្លាយជាប្រធានបទក្តៅ សម្រាប់ការចង់ដឹងពីសំណាក់មហាជននិងអ្នកគាំទ្រជាច្រើន។ ចេតនាដែល អាណារ៉ូស ទម្លាយពេលនេះគេមិនពុំដឹងថា នាងមានរឿងអ្វីជាមួយបុរសសង្ហាលោក វណ្ណដា នៅឡើយទេ?។ ដើម្បីឆ្លើយតបនឹងសំនួររបស់អ្នកគាំទ្រហើយទស្សនិកជនតារាស្រីកញ្ញា អាណារ៉ូស បានថ្លែងប្រាប់ឲ្យដឹងថា គោលបំណងដែលនាងចង់ជួប វណ្ណដា ក៏ព្រោះតែកន្លងមកមានគេបានយករូបភាពនាងទៅកាត់តភ្ជាប់ជាមួយ វណ្ណដា រួចធ្វើការបង្ហោះនៅលើបណ្តាញសង្គម។ អាណារ៉ូស បាននិយាយថា ដោយសារគេកាត់តនាងខ្ញុំដាក់ វណ្ណដា ច្រើនពេកឥឡូវនាងខ្ញុំ រ៉ូសចង់ជួប វណ្ណដា។ តារាស្រីកញ្ញា អាណារ៉ូស បាននិយាយបន្តទៀតថា ខ្ញុំចង់ដឹងថាមុខ វណ្ណដា នៅខាងក្រៅបែបណា ហើយជួបនេះ ក្នុងន័យ វណ្ណដា ជាសិល្បៈរៀមច្បងទេចាស ហើយ វណ្ណដា បើបានឃើញជួយទាក់ទងមករ៉ូសផងចា ។ ហើយដឹងមិចបានខ្ញុំចង់ជួប វណ្ណដា អត់? ដោយសារ វណ្ណដា ចេះធ្វើបុណ្យធ្វើសប្បុរសធម៌ទើប រ៉ូស ចង់ជួបមិនមែនលំៗទេចា។

តារាសម្តែងស្រីកញ្ញា អាណារ៉ូស ត្រូវបានគេកត់សម្គាល់ថា បន្ទាប់ពីចូលប្រឡូកសិល្បៈមានរយៈពេលប្រមាណ២ឬ៣ឆ្នាំមកនេះ ឃើញថា ប្រជាប្រិយភាពរបស់នាង ហាក់មានភាពរីកចម្រើនគួរសម ពិសេសគួបផ្សំនឹងរឿងរ៉ាវអាស្រូវផ្ទាល់ខ្លួនមួយចំនួន។ ប៉ុន្តែដោយសារ ទង្វើរល្អក្នុងការងារជួយសង្គម នូវការចែករំលែកក្តីស្រលាញ់ជួនចាស់ជរា កុមារកំព្រា និងពលរដ្ឋខ្វះខាតនោះទើប អាណារ៉ូស នៅតែរក្សាបានទីផ្សារសិល្បៈ៕