ជីវិតកម្សាន្ដ
វ៉ាន់ នីឡា ជួយសម្រេចបំណងកុមារី យ៉ង់ ស្រីនីត
តាមការកត់សម្គាល់នាអំឡុងរយៈពេលប៉ុន្មានថ្ងៃនេះ នៅលើបណ្តាញសង្គមហ្វេសប៊ុកនិងសារព័ត៌មានក្នុងស្រុកមួយចំនួន បានដាក់ការចាប់អារម្មណ៍ខ្លាំងចំពោះកុមារី យ៉ង់ ស្រីនីត ស្ថិតក្នុងវ័យ១១ឆ្នាំ ជាសិស្សថ្នាក់ទី៥ នៃសាលាបឋមសិក្សាដាក់ដាំ ខេត្តមណ្ឌលគិរី បន្ទាប់ពីប្អូនស្រីរូបនេះ បានរៀបរាប់ជុំវិញជីវិតតស៊ូ ក៏ដូចជាបំណងប្រាថ្នាចំនួនពីរសម្រាប់ថ្ងៃអនាគត។
ដោយសារតែហេតុផលនេះហើយ ទើបកុមារី យ៉ង់ ស្រីនីត កំពុងទទួលបានក្តីអាណិតអាសូរពីសំណាក់មជ្ឈដ្ឋានមហាជននិងអ្នកប្រើប្រាស់បណ្តាញសង្គមជាច្រើន។ ម្យ៉ាងទៀត ស្រីនីត ក៏ត្រូវបានការផ្តល់ឱកាសមកបង្ហាញខ្លួន ថតសម្តែងជាមួយតារាកំប្លែងនាយ ពែកមី ផងដែរ ខណៈបច្ចុប្បន្ននាង ក៏បាននឹងកំពុងស្នាក់នៅផ្ទះនាយ ពែកមី ផងនោះ។
ជាក់ស្តែង គ្រាដែលមកស្នាក់នៅផ្ទះនាយ ពែកមី នោះប្អូនស្រី យ៉ង់ ស្រីនីត ក៏ទទួលបានការអាណិតស្រលាញ់ពីតារាកំប្លែងរូបនេះ។ មិនតែប៉ុណ្ណោះនាយ ពែកមី បានប្រកាសអំពាវនាវដល់សប្បុរសជនដែរថា ស្រីនីត មកដល់ហើយផ្ទះខ្ញុំហើយ ហើយនាងក៏គេងជាមួយកូនស្រីខ្ញុំ នាងមិនសូវមានខោអាវល្អស្លៀកទេ គាត់ចង់រៀននៅភ្នំពេញ បងប្អូនណាស្រលាញ់អាណិតស្រីនីត ចង់ជួយនាងអាចទូរស័ព្ទមកលេខ៖១០៥ ៣០០ ០០៧។
ជាមួយគ្នានៃការអំពាវនាវរបស់នាយ ពែកមី ខាងលើនេះដែរភ្លាមៗនោះស្រាប់តែតារាកំប្លែងកូនស្រីសំណព្វចិត្តលោក សុវណ្ណ រិទ្ធី ហៅលោកតា វ៉ិចទ័រ គឺកញ្ញា វ៉ាន់ នីឡា បានបង្ហាញក្តីស្រលាញ់ចំពោះកុមារី យ៉ង់ ស្រីនីត តាមរយៈការផ្តល់នូវសម្លៀកបំពាក់មួយចំនួនដល់នាង។កញ្ញា វ៉ាន់ នីឡា បានរៀបរាប់ភ្ជាប់នឹងរូបភាព យ៉ង់ ស្រីនីត បែបនេះថា បានជួបហើយ គួរឲ្យស្រឡាញ់ណាស់ប្អូនស្រី។ មិនខុសគ្នានឹងតារាកំប្លែងវ័យក្មេងកញ្ញា វ៉ាន់ នីឡា នោះទេសម្រាប់មហាជនមួយចំនួន ក៏បានយល់ឃើញថា កុមារី យ៉ង់ ស្រីនីត គឺជាក្មេងស្រី ដែលគួរឲ្យស្រលាញ់និងអាណិតខ្លាំងណាស់ ព្រោះរាល់ពាក្យសម្តីនិយាយចេញមក គឺមានការគោរពហើយសុភាពរាបសារ ផងដែរ។
សូមបញ្ជាក់ថា ចំពោះបំណងប្រាថ្នា២ចំណុចរបស់កុមារី យ៉ង់ ស្រីនីត នោះគឺទី១. ចង់ឲ្យគ្រួសារមានផ្ទះផ្ទាល់ខ្លួន ហើយឪពុកមានការងារធ្វើ និងទី២. នៅពេលអនាគតប្អូនស្រីចង់ធ្វើជាគ្រូបង្រៀន និងជាតារាចម្រៀងល្បីប្រចាំប្រទេស។ ភ្លាមៗនៃការចែករំលែកដំណឹងនេះ គឺបានធ្វើឲ្យឧកញ៉ាចិត្តធម៌ ស្រី ចាន់ថន មានការអាណិតអាសូរនិងបានជួយសម្រេចបំណងប្រាថ្នាទី១ ដោយផ្តល់ដីហើយជួយសាងសង់ផ្ទះថ្មី១ខ្នង, កង់ចំនួន ០២គ្រឿង សម្ភារៈប្រើប្រាស់ និងថវិកាមួយចំនួនជូនប្អូនស្រីហើយ ថែមទាំងផ្តល់ការងារឲ្យឪពុករបស់ប្អូនស្រីមានការងារធ្វើទៀតផង។ចំណែកឯបំណងប្រាថ្នាទី២ គឺត្រូវបាននាយ ពែកមី បានជួយត្រួសត្រាយផ្លូវ ដោយផ្ដល់ឱកាសឲ្យកុមារីរូបនេះ មានឱកាសបង្ហាញខ្លួនចូលថតសម្ដែងជាមួយនាយ ផងដែរ៕
អត្ថបទ៖ ចាន់រ៉ា
សូមចុចអាន៖ វ័យកាន់តែជ្រេ ! គង់ សុជាតិ និង ជា វិបុល កាន់តែរឹងមាំចំណងស្នេហាទទួលបានការសរសើរពីមហាជន
-
កីឡា២ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៤ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានជាតិ២២ ម៉ោង agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
ព័ត៌មានអន្ដរជាតិ៧ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៥ ម៉ោង agoសេតវិមានអះអាងថា អ៊ីរ៉ង់នៅតែចង់ធ្វើកិច្ចព្រមព្រៀងជាមួយអាមេរិក ទោះកំពុងវាយគ្នាក៏ដោយ
-
ព័ត៌មានជាតិ៣ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
កីឡា១ ថ្ងៃ agoអាហ្សង់ទីន បញ្ចប់ក្តីស្រមៃ ៦០ ឆ្នាំ របស់ អង់គ្លេស ឡើងទៅវគ្គផ្តាច់ព្រ័ត្រជើងឯកពិភពលោក World Cup 2026
-
កីឡា៤ ម៉ោង agoយុវតី បឿន ស្រីឡែន ចាប់អាជីពប្រដាល់ព្រោះចង់រកចំណូលជួយដល់គ្រួសារ និងសាងកេរ្តិ៍ឈ្មោះលើវិថីកីឡាមួយនេះ