ជីវិតកម្សាន្ដ
សាយ បរិច្ចាគថវិកា១ពាន់ដុល្លារជួយមន្ទីរពេទ្យកុមារអង្គរ ក្រោយកុមារពីរនាក់ឆ្លងកូវីដ
តារាចម្រៀងលោក អួន បឋម ហៅ សាយ បានបន្តចូលរួមបរិច្ចាគថវិកាផ្ទាល់ខ្លួនជួយមន្ទីរពេទ្យកុមារអង្គរក្រោយរកឃើញកុមារពីរនាក់ឆ្លងកូវីដ-១៩។ ជាមួយគ្នានេះ លោកក៏បានអំពាវនាវឲ្យសប្បុរសជនចូលរួមបរិច្ចាគផងដែរ។
សាយ បាននិយាយថា ការចូលរួមចំណែកបរិច្ចាគថវិកា ទោះជាតិចក្តី ច្រើនក្តីរបស់បងប្អូនទាំងអស់គ្នា គឺពិតជាការចូលរួមចំណែកនៅក្នុងការថែររក្សាសុខភាព សុវត្ថិភាព ការព្យាបាលប្រកបដោយគុណភាពខ្ពស់និងទាន់ពេលវេលាដល់ប្រជាជននិងកុមារកម្ពុជា។
សាយ បានបរិច្ចាគថវិកាផ្ទាល់ខ្លួនជួយដល់Angkor Hospital for Childrenដើម្បី មន្ទីរពេទ្យបន្តបេសកកម្មជួយជីវិតកុមារកម្ពុជាហើយសង្ឃឹមថា ពុកម៉ែបងប្អូនទាំងអស់ និងចូលរួមបរិច្ចាគតាមលទ្ធភាពទោះ១ដុល្លារក្តី២ដុល្លារក្តីដើម្បី ឲ្យមន្ទីរពេទ្យកុមារអង្គរនៅជាមួយនិងប្រជាជនកម្ពុជា និងបានបន្តជួយជីវិតកុមារកម្ពុជាជានិរន្តរ៍។
តារាចម្រៀង សាយ បញ្ជាក់ថា កាលពីសប្តាហ៍កន្លងទៅ ថ្ងៃទី០២ ខែកក្កដា ឆ្នាំ២០២១ មន្ទីរពេទ្យកុមារអង្គរបានរកឃើញកុមារពីរនាក់(ទារក៨ខែនិង១ឆ្នាំ៤ ខែ)មានជំងឺកូវីដ-១៩ដែលកុមារម្នាក់មកពីខេត្តកំពង់ធំ និងម្នាក់ទៀតមកពីខេត្តព្រះវិហារ។
កុមារទាំងពីរនាក់នេះបានមកកាន់មន្ទីរពេទ្យកុមារអង្គរហើយត្រូវបានសម្រាកនៅមន្ទីរពេទ្យដោយមានជំងឺធ្ងន់។ បន្ទាប់ពីមានការពិនិត្យយ៉ាងល្អិតល្អន់មកលទ្ធផលបានបង្ហាញថា កុមារទាំងពីរមានជំងឺកូវីដ-១៩។
បច្ចុប្បន្ននេះ កុមារម្នាក់គឺបានជាសះស្បើយនិងវិលត្រឡប់ទៅផ្ទះវិញ។ ចំណែកកុមារម្នាក់ទៀតកំពុងទទួលការព្យាបាលយ៉ាងយកចិត្តទុកដាក់ដោយក្រុមគ្រូពេទ្យកុមារអង្គរ។
គួរបញ្ជាក់ថា កុមារដែលកំពុងសម្រាកព្យាបាលមានបញ្ហាជំងឺពីកំណើតដែលជាហេតុនាំឱ្យមានការពិបាកក្នុងការព្យាបាល។
កុមារ១ឆ្នាំ៤ខែដែលមានជំងឺពីកំណើតនិងកូវីដ-១ ៩ បានធ្វើការវះកាត់កាលពីថ្ងៃច័ន្ទទី១៩ ខែកក្កដា ឆ្នាំ២០២១។
បច្ចុប្បន្នកុមាររូបនេះ មានលទ្ធផលអវិជ្ជមានពីកូវីដ-១៩ ប៉ុន្តែបន្តសម្រាកព្យាបាលនៅក្នុងបន្ទប់ជំងឺធ្ងន់ធ្ងរ ដោយមានការតាមដានយ៉ាងយកចិត្តទុកដាក់បំផុត ដែលសង្ឃឹមថា គាត់នឹងបានធូរស្បើយឆាប់ៗផងដែរ៕
អត្ថបទ ៖ ចាន់រ៉ា
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ