ជីវិតកម្សាន្ដ

ប៉ូលិសចាប់ខ្លួន Chris Wu អតីតសមាជិក EXO ក្រោយទទួលបណ្ដឹង ល្បួងក្មេងស្រីយកទៅរំលោភ

បានផុស

៥ years មុន

នៅ

ថ្ងៃចន្ទ ២ សីហា ២០២១

ដោយ

សារព័ត៌មាន CNN បានរាយការណ៍ថាប៉ូលិស Chaoyang ក្នុងទីក្រុងប៉េកាំង ប្រទេសចិនបាន ចេញសេចក្ដីថ្លែងការណ៍មួយថា Chris Wu (Wu Yi-fang) តារាសញ្ជាតិ-កាណាដា មានដើមកំណើត ចិន អាយុ ៣០ឆ្នាំនិងជាអតីតក្រុម EXO របស់កូរ៉េខាងត្បូង ត្រូវបានឃុំខ្លួនភ្លាមៗ ដើម្បីសាកសួរជុំវិញការចោទប្រកាន់ពីបទរំលោភសេពសន្ថវៈ ដោយបញ្ឆោតនារីវ័យក្មេងម្នាក់ជាច្រើនដងដើម្បីរួមភេទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីដើមខែ មិថុនា ឆ្នាំ នេះ អ្នកប្រើប្រាស់បណ្ដាញសង្គម A Waypua បានបង្ហោះការអះអាងថា នាងត្រូវបានគេរំលោភបំពានផ្លូវភេទ នៅពេលជានិស្សិតនៅសាកលវិទ្យាល័យទំនាក់ទំនងចិន នៅទីក្រុងប៉េកាំងខណៈកាលណោះនាងទើបតែមានអាយុ ១៧ ឆ្នាំ។ ការចោទប្រកាន់នេះបានទទួលការចាប់អារម្មណ៍យ៉ាងទូលំទូលាយ បន្ទាប់ពីផ្ដល់បទសម្ភាសន៍នៅលើគេហទំព័រ ១៦៣.com។

តួឯកប្រុសដែលដើរតួជាគ្រូថាំងចេងជំនាន់ថ្មីនេះ បានបដិសេធការចោទប្រកាន់នេះភ្លាមៗ តាមរយៈការបង្ហោះនៅលើគេហទំព័រ WayPaw ។ ចំណែកក្រុមហ៊ុនល្បីមួយនេះ បានរិះគន់ការចោទប្រកាន់នោះថា ជាការបំផ្លិចបំផ្លាញពាក្យចចាមអារ៉ាម ហើយថា Chris Wu នឹងត្រូវកាត់ទោសក្លាយជនជាប់ចោទ។

ទោះយ៉ាងណាបន្ទាប់ពីប៉ូលិសចេញសេចក្ដីថ្លែងការណ៍ការឃាត់ខ្លួន ប្រព័ន្ធផ្សព្វផ្សាយសង្គមរបស់ Chris Wu ដែលមានអ្នកតាមដានជាង ៥១ លាននាក់បានអ្នកគាំទ្រ un follow ចោលទាំងអស់។

គួរបញ្ជាក់ថា Chris Wu មានកេរ្តិ៍ឈ្មោះល្បីល្បាញនៅក្នុងឧស្សាហកម្មកម្សាន្តដោយសារតែលោកធ្លាប់ជាសមាជិករបស់ EXO នៅកូរ៉េខាងត្បូង មុនពេលលោកបានរំសាយលែងជាសមាជិកក្រុមចម្រៀងប្រុស ក្នុងឆ្នាំ ២០១៤ ។