ប៉ូគឹមថង សុតធីតា ធ្លាប់ឆ្លងកាត់ការប្រកួតរហូត ៨ដងឯណោះ ទម្រាំក្លាយជាម្ចាស់មកុដ Miss Grand ឆ្នាំនេះ

កម្មវិធីប្រកួតប្រជែងសម្រស់ Miss Grand Cambodia 2021 បានរកឃើញម្ចាស់គ្រងមកុដរបស់ខ្លួនហើយកាលពេលថ្មីៗនេះ ដោយបេក្ខនារីទទួលបានជយលាភីឯកបានទៅលើបវរកញ្ញាតំណាងខេត្ត បាត់ដំបង កញ្ញា ប៉ូគឹមថេង សុតធីតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីប្រឡងប្រណាំងយ៉ាងស្វិតស្វាញ កញ្ញា ប៉ូគឹមថង សុតធីតា ក៏បានក្លាយជាម្ចាស់មកុដយ៉ាងសក្តិសមជាមួយនូវសម្រស់ សមត្ថភាព ភាពវៃឆ្លាត និងភាពជឿជាក់របស់នាង។ ភាពជោគជ័យនេះបានធ្វើឱ្យបណ្ដាជនសាទរ និងស្ងើចសរសើរមិនដាច់ពីមាត់ថានាងពិតជាសក្តិសមជាម្ចាស់ពានមែន។

យ៉ាងណាមិញ នៅពីក្រោយជយលាភី MGC 2021 បវរកញ្ញារូបនេះ បានចំណាយពេលតស៊ូ ព្យាយាមអស់រយៈពេល ៦ឆ្នាំ និងធ្លាប់ចូលរួមកម្មវិធីប្រកួតប្រជែងសម្រស់នានារហូតដល់ទៅ ៨ដងមកហើយ។ ក្នុងនោះ ម្ចាស់មកុដ MGC 2021 ធ្លាប់ប្រកួតដូចជា៖

– Khmer super model (top 10 )

– Miss Grand Cambodia 2016 (unplaced)

– Miss Grand Cambodia 2017 (top10)

– Miss Tourism world (3rd runner up )

– Asian Model Festival 2018

– Miss universe Cambodia (3rd runner up )

– Miss Asia Pacific

– Miss Touris Metropolitan ( top 10 )

ទម្រាំក្លាយជាម្ចាស់មកុដ Miss Grand Cambodia 2021 កញ្ញា ប៉ូគឹមថេង សុតធីតា ពិតជាប្រឹងប្រែង តស៊ូខ្លាំងណាស់ ហើយពេលនេះអ្វីដែលនាងព្យាយាម ពិតជាធ្វើឱ្យសាធារណជនមានមោទកភាពជាទីបំផុត៕

អត្ថបទ៖ ​សន្យា

ចុចអាន៖ ព្រះនាងតូច ជេនណា មោទនភាពខ្លាំង ពេលគ្រងឈុតទង់ជាតិខ្មែរ ព្រលឹងខ្មែរ បេះដូងខ្មែរ !

ចុចអាន៖ មេរៀនធំៗ ៥ ពីម្ចាស់មកុដ Miss Grand International នាង Abena Appia