មហោស្រពភាពយន្តខ្នាតខ្លីចតុមុខ ឆ្នាំ២០២១​ នឹងចាក់បញ្ចាំងតាមអនឡាញ ពីសប្ដាហ៍ក្រោយ

ទោះបីជាស្ថានភាពកូវីដ-១៩ នៅមិនទាន់មានសញ្ញាថមថយក៏ដោយ ប៉ុន្តែសកម្មភាពសង្គមមួយចំនួនបានចាប់ផ្តើមដំណើរការជាបណ្តើរៗដោយផ្សារភ្ជាប់ជាមួយនឹងវិធានការ ៣​កុំ ៣ការពារ ដែលជាបរិបទថ្មីសម្រាប់ការរស់នៅក្នុងប្រក្រតីភាពថ្មីជាមួយកូវីដ-១៩។​ មហោស្រពភាពយន្តខ្នាតខ្លីចតុមុខ ប្រចាំឆ្នាំ២០២១ នឹងធ្វើការចាក់បញ្ចាំងភាពយន្តខ្នាតខ្លីចាប់ពីចុងសប្ដាហ៍ក្រោយ ថ្ងៃទី២៣ ដល់ថ្ងៃ២៧ ខែតុលា។ នេះបើតាមសេចក្ដីប្រកាសរបស់មហោស្រពចតុមុខ។

បើតាមសេចក្ដីជូនដំណឹងមហោស្រពភាពយន្តខ្លីចតុមុខបានបង្ហាញថា មហោស្រពភាពយន្តខ្លីនេះរៀបចំឡើងក្នុងគោលបំណងដើម្បីលើកស្ទួយវិស័យភាពយន្ត ផ្ដល់ឱកាសដល់អ្នកដែលមានចំណូលចិត្តនៅក្នុងវិស័យភាពយន្តឱ្យបានបញ្ចេញស្នាដៃ និងទទួលបានចំណេះដឹងបន្ថែមពីវិស័យនេះ។

សូមជម្រាបជូនថា មហោស្រពភាពយន្តខ្លីជារៀងរាល់ឆ្នាំតែងតែប្រារព្ធពិធីចាក់បញ្ចាំងស្នាដៃរបស់ផលិតករដែលជាប់ជ័យលាភីនៅក្នុងការប្រកួត តាមរោងភាពយន្តនានានៅរាជធានីភ្នំពេញ។ ប៉ុន្តែដោយសារតែវិបត្តិកូវីដ-១៩ ការចាក់បញ្ចាំងភាពយន្តខ្នាតខ្លីនេះនឹងធ្វើឡើងតាមរយៈអនឡាញវិញ៕

អត្ថបទ៖ ណារី