កូនប្រុសរបស់តារាប្រុសស្រីពីរដួង កំពុងជះរាងសង្ហាទាក់ទាញប្រជាប្រិយ

កូនប្រុសរបស់កំពូលតារាចម្រៀង ព្រាប សុវត្ថិ និងរាជនីសំឡេង មាស សុខសោភា កំពុងអង្រួនបេះដូងក្រមុំៗរួមជាមួយអ្នកគាំទ្រតារាទាំងពីរនេះជាច្រើន តាមរយៈភាពស្រស់សង្ហារបស់ពួកគេ។

លោក ព្រាប សុវត្ថិ ត្រូវបានទស្សនិកជនដឹងថា មានកូនប្រុសរហូតដល់ទៅ ៣ នាក់ ដែលម្នាក់ៗកំពុងជះរាងសង្ហាមិនចាញ់លោកឪពុកប៉ុន្មាននោះទេ។ លើសពីនេះទៅទៀត កូនប្រុសកំពូលតារាចម្រៀងប្រចាំប្រទេសទាំង ៣ រូបនេះ ក៏មានឈាមជ័រកាត់តាមលោកឪពុកផងដែរ ទាំងច្រៀងនិងរាំ គឺមិនចាញ់លោក ព្រាប សុវត្ថិ ទេ។

ចំណែកអ្នកនាង មាស សុខសោភា កាលពីប៉ុន្មានថ្ងៃមុននេះ អំឡុងពេលខួបអាពាហ៍ពិពាហ៍ជាមួយគូស្នេហ៍ ១២ ឆ្នាំ ទើបតែធ្លាយរូបភាពថ្ងៃការ ហើយអ្វីដែលគួរឲ្យរឹតតែភ្ងាក់ផ្អើលទៀតនោះ តារាចម្រៀងរូបនេះ ក៏មានចំណងដៃកូនប្រុសមួយរូប ដែលមានរូបសម្បត្តិស្រស់សង្ហារ។ ទទ្ទឹមនឹងនេះ កូនប្រុសតារាចម្រៀងសំឡេងផ្អែមរូបនេះ ក៏បានជះរាងសង្ហា ធ្វើឲ្យផ្អើលក្រមុំៗ ហៅអ្នកនាងថា ម៉ាក់ក្មេកសឹងគ្រប់ៗគ្នា៕

អត្ថបទ៖ ផានិត