ដួង ម៉ានិច​ ចេញ​មុខ​ការពារ​ ជីមមី​ ក្រោយ​មាន​ការ​រិះគន់

ពិធីការិនីរូបស្រស់ ជីមមី ថ្មីៗនេះបានបញ្ចេញរូបភាពច្រើនសន្លឹកអំឡុងពេលទៅលេងសមុទ្រដែលស្ថិតក្នុងសម្លៀកបំពាក់បែបប្រពៃណីយ៉ាងស្រស់ស្អាត និងទាក់ទាញប្លែកភ្នែកមហាជន។

តាមការសង្កេតឃើញបន្ទាប់ពីកញ្ញា ជីមមី បានបញ្ចេញរូបភាពដោយស្ថិតក្នុងទម្រង់បែបនេះ ភ្លាមៗនោះគេឃើញមានទស្សនិកជន និងអ្នកប្រើប្រាស់បណ្តាញសង្គមមួយចំនួនបានពោលសរសើរថា ជីមមី ស្រស់ស្អាតហើយប្លែកពីតារាស្រីឯទៀតដែលដើរសមុទ្រចូលចិត្តស្លៀកពាក់ប៊ីគីនី។ ប៉ុន្តែក៏មានខ្លះទៀតបានធ្វើការរិះគន់លើកញ្ញា ជីមមី ផងដែរ។

យ៉ាងណាមិញក្រោយមានការរិះគន់លើស្រីស្អាត ជីមមី ក៏ស្រាប់តែមានមិត្តភក្តិរួមអាជីពសិល្បៈគឺកញ្ញា ដួង ម៉ានិច បានចេញមុខប្រតិកម្មការជំនួសសាមី ខ្លួនកញ្ញា ជីមមី។ នៅក្នុងសំណេរនោះ ដួង ម៉ានិច បាននិយាយលើកទឹកចិត្តដល់ ជីមមី ដើម្បីកុំឱ្យគិតច្រើនអំពីរឿងរ៉ាវមួយនេះដ្បិតមាននាងនៅជាមួយជានិច្ច។

ដួង ម៉ានិច្ច បានលើកឡើង “កុំគិតច្រើនពេកអីណាកូន Jimmy Meng ម៉ាក់និចនៅជាមួយកូនណា ព្រោះតែ ស្រលាញ់ ទើបយើងស្លៀកពាក់មិនថា កន្លែងការងារឬទីណាក៏ដោយអ្នកឯងកុំពូកែទើសគេពេកឈប់បានឈប់ទៅ មុន នឹងនិយាយឱ្យគេធ្វើខ្លួនឯងឱ្យល្អសិនទៅ”។

កាលពីថ្មីៗកន្លងទៅនេះពិធីការិនីកញ្ញា ជីមមី ត្រូវបានអ្នកប្រើប្រាស់បណ្ដាញសង្គមហ្វេស ប៊ុកចាប់អារម្មណ៍ខ្លាំងបន្ទាប់ពីឃើញនាងស្លៀកស ម្លៀកបំពាក់ក្នុងឈុតប្រពៃណីទៅសមុទ្រ។

កាលនោះ ជីមមីក៏បានបញ្ជាក់ថា ខ្លួនត្រូវបានជ្រើស​រើសឱ្យធ្វើជាពិធិការិនី ក្នុងកម្មវិធីដ៏អស្ចារ្យមួយ នៅក្រុងកំពង់សោម គឺកម្មវិធីទេសចរណ៍អាស៊ាន២០២២ ហើយកម្មវិធីនេះដែរគឺធ្វើឡើង នៅឯឆ្នេរសមុទ្រតែម្ដង។

នាងបន្ថែមថា កម្មវិធីជាតិនៅលើឆ្នេរសមុទ្រស្លៀកសម្លៀកបំពាក់ដូចនាងខ្ញុំសមរម្យទេបងប្អូន?៕

អត្ថបទ៖ ចាន់រ៉ា