ជីវិតកម្សាន្ដ

ឆ្លងកាត់សិល្បៈជាង២០ឆ្នាំ លោក ជា វិបុល ទើបបង្ហាញសមិទ្ធផលពានរង្វាន់ជាច្រើននេះ

បានផុស

៤ years មុន

នៅ

ថ្ងៃអង្គារ ១ កុម្ភៈ ២០២២

ដោយ

ភ្នំពេញ៖ រហូតមកទល់បច្ចុប្បន្នពិធីករល្បីឈ្មោះនិងលេចធ្លោលោក ជា វិបុល បានចូលប្រឡូកក្នុងវិស័យសិល្បៈមានរយៈពេលប្រមាណជាង២០ឆ្នាំហើយ ខណៈប្រជាប្រិយភាពនៅតែរក្សាបានការគាំទ្រខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេសង្កេតឃើញថា ជាមួយនឹងស្នាដៃលើវិថីសិល្បៈ អស់ជាង២០ឆ្នាំមកហើយគឺពិធីករជើងចាស់លោក ជា វិបុក នៅតែរក្សាបាននូវប្រជាប្រិយភាពរបស់ខ្លួនទោះបីជាកន្លងមកសិល្បៈហាក់ជាប់គាំងដោយសារវិបត្តិកូវីដ-១៩ក្តី។ បើចាប់អារម្មណ៍លើស្នាដៃរបស់លោក ជា វិបុល ដែលមានរយៈពេលជាង២០ឆ្នាំ កន្លងមកនេះគឺលោកបានពង្រឹងកេរ្តិ៍ឈ្មោះល្បីល្បាញខ្លាំងដែលអាចក្តោបក្តាប់បានទីផ្សារសិល្បៈពេញដៃ។

មិនតែប៉ុណ្ណោះថ្មីៗនេះពិធីករ ជា វិបុល ក៏បានបង្ហាញស្នាដៃនៃសមិទ្ធផលពានរង្វាន់នឹងមេដាយជាច្រើនមិនធ្លាប់មាននរណាដឹង។ ជាក់ស្តែងលោក ជា វិបុល បានបង្ហោះភ្ជាប់រូបភាពទាំងនោះបែបនេះថាគិតៗទៅក្នុងជីវិតរយៈពេលជាង២ទសវត្សមកនេះធ្លាប់បានចូលរួមប្រកួតលើវិស័យកីឡាបាល់ទាត់និងសិល្បៈជាច្រើនហើយបានពានច្រើនដែរ។

លោកបញ្ជាក់ថា នៅឆ្នាំ១៩៩៩ពានរង្វាន់លេខ១បាល់ទាត់មហាវិទ្យាល័យ។ ឆ្នាំ២០០២ពានរង្វាន់Freshie Boy លេខ១។ ឆ្នាំ២០១២ពានរង្វាន់ពិធីករពិធីការនីឆ្នើមនិងស័ក្តិសម។ ឆ្នាំ២០១៣ពានរង្វាន់ពិធីករឆ្នើមទូទាំងប្រទេសនិងឆ្នាំ២០១៦មេដាយ Freshieគំរូតែរកពាននិងមេដាយមិនឃើញសោះ ចាំថ្ងៃណាសើរើម្តង។ដោយសារហេតុផលនេះហើយ ទើបលោក ជា វិបុល អាចចង់ចិត្តទស្សនិកជនឲ្យនៅតែមានការចងចាំឈ្មោះលោកនិងរក្សាទីផ្សារគាំទ្រ៕

ដោយ ៖ ចាន់រ៉ា