ជីវិតកម្សាន្ដ
ទម្លាយអ្នកសិល្ប:ល្បីឈ្មោះ ៤ រូប មានវាសនាទទួលបានគោរមងារជាឧកញ៉ា
កាលពីប៉ុន្មានថ្ងៃមុននេះ មានការភ្ញាក់ផ្អើលនាបន្ទាប់ពីមានដំណឹងថាកំពូលតារាចម្រៀងលោក ព្រាប សុវត្ថិ ត្រូវបានព្រះមហាក្សត្រនៃព្រះរាជាណាចក្រកម្ពុជាចេញព្រះរាជក្រឹត្យប្រោសព្រះរាជទានគោរមងារជាឧកញ៉ា។
តាមរយ:ដំណឹងនេះ គេក៏ឃើញអ្នកគាំទ្រនិងមិត្តរួមអាជីពសិល្ប:មួយចំនួនធំបានសម្តែងការចូលរួមអបអរផងដែរចំពោះសិល្បករខ្មែរ ដែលមានវាសនាខ្ពស់ទទួលបានគោរមងារជាឧកញ៉ា។ ទន្ទឹមគ្នានោះកម្ពុជាថ្មីក៏សូមនាំអារម្មណ៍ប្រិយមិត្តមកស្គាល់តារាសិល្ប:ក្មេង-ចាស់ទាំង៤រូបដែលមានសំណាងខ្ពស់ទទួលបានគោរមងារជាឧក ញ៉ានាពេលបច្ចុប្បន្ន។
១.អតីតតារាកំប្លែងជើងចាស់នាយ ឃ្លោក ដែលមានឈ្មោះពិតលោក ទុំ សារុត បន្ទាប់ពីបានសាងកេរ្តិ៍ឈ្មោះល្បីរន្ធឺនៅក្នុងវិស័យសិល្ប:រយ:ពេលច្រើនឆ្នាំ ក៏បានដកខ្លួនឃ្លាតឆា្ងយពីអាជីពជាកំប្លែងប្រមាណ៧ឆ្នាំមកហើយ។
ជាមួយគ្នានោះលោក ទុំ សារុត ហៅនាយឃ្លោក ក៏ត្រូវបានព្រះមហាក្សត្រត្រាស់បង្គាប់តែងតាំងជាឯកឧត្តមផងនិងជាឧកញ៉ាផងកាលពីខែឧសភាក្នុ ងឆ្នាំ២០១៤។ ថ្វីត្បិតលោកមមាញឹកជាមួយជំនួញយ៉ាងណាតែឧកញ៉ា ឃ្លោក ជានិច្ចកាលតែងលេចមុខក្នុងកម្មវិធីសិល្បៈម្តងកាលនិងការចេញមុខផ្តល់ជំនួយជួយដល់អ្នកសិល្ប:មានជំងឺនិងខ្វះខាតផងដែរ។
២.អតីតតារាចម្រៀងនិងពិធីករលោកលាន អាហ្វ្រីលគីនីន ក្រោយពីស្ងប់ស្ងាត់លើវិស័យសិល្បៈមួយសន្ទុះធំ គេបានកត់សម្គាល់ឃើញលោកងាកទៅចាប់មុខជំនួញផ្នែកអចលនទ្រព្យយ៉ាងណែនពេញដៃវិញម្តង ខណ:កន្លងទៅក៏មានដំណឹងថាលោកទទួលបានងារជាឧកញ៉ាផងដែរ។
យ៉ាងណាមិញលោក លាន អាហ្វ្រីលគីនីនបានទទួលស្គាល់កាលពីចុងឆ្នាំ២០១៩ថា លោកពិតជាឡើងឧកញ៉ាមែន។អតីតតារាប្រុសរូបនេះបច្ចុប្បន្ន បានងាកទៅធ្វើជំនួញរកស៊ីផ្នែកអចលនទ្រព្យហើយលោកជិះរថយន្ដទំនើបៗមិនចាញ់ឧកញ៉ាល្បីឈ្មោះផ្សេងទៀតឡើយ។
៣.កំពូលតារាចម្រៀងលោកខែម ប៊ុនថៃ ហៅ ខេមរៈ សិរីមន្ត កាលពីពេលថ្មីៗកន្លងមកនេះត្រូវបានព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាបានចេញព្រះរាជក្រឹត្យប្រោសព្រះរាជទានគោរមងារជាឧកញ៉ាផ។
បន្ទាប់ពីជោគជ័យលើការងារសិល្បៈ អំឡុងរយ:ពេលប៉ុន្មានឆ្នាំចុងក្រោយនេះ លោកក៏បានងាកមកចាប់ជំនួញថ្មីមួយទៀតគឺលើវិស័យអចលនទ្រព្យ ដោយបានធ្វើការអភិវឌ្ឍន៍ជាផ្ទះនិងដីឡូតិ៍នៅតំបន់មួយចំនួនជាពិសេសក្នុងខេត្តបន្ទាយមានជ័យ។
៤.កំពូលតារាចម្រៀង ព្រាប សុវត្ថិ ត្រូវបានព្រះម ហាក្សត្រត្រាស់បង្គាប់ផ្ដល់គោរមងារ«ឧកញ៉ា»។ជាក់ស្តែងកាលពីថ្ងៃទី២៩ខែមេសាឆ្នាំ២០២២ព្រះ ករុណា ព្រះបាទសម្ដេច ព្រះបរមនាថ នរោត្តម សី ហមុនី ព្រះមហាក្សត្រនៃកម្ពុជាបានចេញព្រះរាជក្រឹត្យត្រាស់បង្គាប់ផ្ដល់គោរមងារដល់ កំពូលតារា ចម្រៀង ព្រាប សុវត្ថិ ជា«ឧកញ៉ា»៕
អត្ថបទ៖ ចាន់រ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង