Connect with us

ជីវិតកម្សាន្ដ

នាយប្រុញ ទទួលបានប្រាក់១ពាន់ដុល្លារក្នុងមួយខែពីកន្លែងការងារថ្មី

បានផុស

នៅ

ដូចដែលអ្វីធ្លាប់បានប្រកាស និងសន្យានាពេលកន្លងមក ទីបំផុតអ្នកនិពន្ធលោក យឹម តាស្រង់ បានទទួលយកនាយ ប្រុញ មកធ្វើការហើយបន្ទាប់ក្មេងប្រុសរូបនេះផ្ទុះរឿងរ៉ាវចម្រូងចម្រាស់នាពេលកន្លងមក។ ការទទួលយកនាយ ប្រុញ ឲ្យចូលរួមសម្តែងនាពេលនេះ គេក៏ឃើញមានវត្តមានដឹងឮពីសំណាក់ឪពុកប្អូនប្រុញ និងវត្តមានរបស់លោក ពេជ្រ ស្រស់ ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក យឹម តាស្រង់ បានបញ្ជាក់ឲ្យដឹងថា «អ្វីដែលខ្ញុំបានសន្យា គឺខ្ញុំបានគោរពសន្យាហើយ។ នាយ ប្រុញ ចូលធ្វើការក្នុងក្រុមថតកំប្លែងមួយរបស់មិត្តភក្តិខ្ញុំឈ្មោះថា ” VETIKA-វេទិកា “ដោយទទួលប្រាក់ខែ១០០០ដុល្លារក្នុង១ខែដោយបើកប្រាក់មុន៦០០០ដុល្លារ»។

លោកបន្តថា”ខ្ញុំក៏សូមអរគុណដល់ឯកឧត្តម ពេជ្រ ស្រស់ ដែលបានចំណាយពេលវេលាដ៏មានតម្លៃចូលរួមថ្ងៃនេះនឹងតែងតែជួយជ្រោមជ្រែងនាយ ប្រុញ រហូតមក ហើយខ្ញុំបាទនិងឯកឧត្តម ពេជ្រ ស្រស់ ដោយយល់ព្រមពីនាយ ប្រុញ និងគ្រួសារផងដែរ បានសម្រេចថានឹងចែករំលែកថវិកាមួយចំនួនដែលខ្ញុំផ្តល់ឱ្យនាយ ប្រុញ ដោយឱ្យនាយប្រុញយកទៅជូនលោក គង់ កាន ដោយផ្ទាល់ដៃ ដែលជាអ្នកមានគុណបណ្តុះបណ្តាលនាយ ប្រុញ ពីដំបូងមក”។

បន្ថែមពីលើនេះដែរលោក យឹម តាស្រង់ បានលើកឡើងពីបណ្តាំមួយចំនួយទៅ ប្រុញ ថា “គុណធម៌ជីវិតឱ្យតែមានក្នុងខ្លួន គឺមនុស្សមិនងាយនឹងជួបនូវភាពលិចលង់ឡើយ”។ សង្ឃឹមថា របៀបការងារ និងរបៀបរស់នៅរបស់ប្អូនជាមួយក្រុមការងារ នឹងទទួលនូវភាពជោគជ័យដោយសមត្ថភាពគោរពតួនាទី និងឱ្យតម្លៃគ្នាទៅវិញទៅមក៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម