ជីវិតកម្សាន្ដ
លោកតា សង់ស៊ីស ឡើងច្រៀងទាំងភ្លេចភ្លាំង ក្នុងថ្ងៃមង្គលការចៅស្រី
តារាកំប្លែងជើងចាស់ល្បីឈ្មោះ លោកតា សង់ស៊ីស ថ្វីត្បិតបច្ចុប្បន្នគាត់វ័យជរា និងកំពុងមានជំងឺប្រចាំកាយផងនោះ តែលោកតាហាក់នៅនឹករលឹកដល់អាជីពសិល្បៈ ខណៈដែលថ្មីៗនេះគេបាន ឃើញគាត់ឡើងច្រៀងលើឆាកតន្ត្រីនាកម្មវិធីមង្គលការចៅស្រី ធ្វើមហាជន និងអ្នកគាំទ្រភ្ញាក់ផ្អើលហើយអាណិតគ្រប់គ្នា។
ជាមួយគ្នានៃការបង្ហាញវត្តមានច្រៀងរបស់លោក តាសង់ស៊ីស ដែលធ្វើឱ្យអ្នកទស្សនា និងមហាជនស្រណោះបំផុតនោះគឺ ត្រង់ថាសមត្ថភាពរបស់សិល្បករជើងចាស់ ដែលពោរពេញដោយទេពកោសល្យរូបនេះ បានបាត់បង់ទៅតាមវ័យដោយការភ្លេចភ្លាំងស្ទើរតែទាំងស្រុងទៅហើយ។តាមរយៈសកម្មភាពឡើងច្រៀងជាមួយកូនស្រី គឺអ្នកនាងកាឆយ នាអំឡុងថ្ងៃមង្គលការរបស់ចៅនេះដែរ លោកតា សង់ស៊ីស គឺបានបង្ហាញនូវទឹកមុខស្រស់ស្រាយ និងរីករាយជាមួយកាយវិការ រាំផងច្រៀងផង។
ក្នុងពេលដែលឡើងច្រៀងនេះដែរ គេឃើញតារាជើងចាស់លោកតា សង់ស៊ីស ត្រូវបានអ្នកនាងកា ឆយ ច្រៀងបណ្ដើរហើយខ្សឹបប្រាប់ទំនុកច្រៀងបណ្ដើរ ព្រោះលោកតាហាក់មិនមានការចងចាំល្អដូចពីមុនទៀតឡើយ បើទោះបីជាបទចម្រៀងមួយនេះ គឺជាចម្រៀងដែលលោកធ្លាប់ច្រៀងបាន យ៉ាងពីរោះកាលពីមុនក្ដី។ លោកតាសង់ស៊ីស កន្លងមកធ្លាប់ត្រូវបានគេបញ្ជាក់ថា លោកមានជំងឺប្រចាំ និងភ្លេងភ្លាំងស្មារតីច្រើន។
តារាកំប្លែងជើងចាស់លោកតា សង់ស៊ីស គឺជាតារាកំប្លែងមួយរូប ដែលមានឈ្មោះបោះសំឡេង យ៉ាងខ្លាំង កាលដែលលោកតានៅមានកម្លាំងសម្តែងលើវិថីសិល្បៈ។ ប៉ុន្តែក្រោយមកលោកតា សង់ស៊ី ក៏បានធ្លាក់ខ្លួនឈឺធ្ងន់រហូតបាត់បង់សមត្ថភាពលើវិស័យសិល្បៈប៉ុន្មានឆ្នាំចុងក្រោយនេះ។លោកតា សង់ស៊ី ក៏ជាសិល្បករខ្មែរម្នាក់ ដែលបានធ្វើឱ្យប្រជាជនរាប់លាននាក់ មានស្នាមញញឹមតាមរយៈទេពកោសល្យកំប្លែងរបស់គាត់នាពេលកន្លងមក៕
អត្ថបទ៖ ចាន់រ៉ា
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»