លេចឮពាក្យចចាមអារ៉ាម Fan Bingbing កំពុងទាក់ទងនាយកប្រតិបត្តិក្រុមហ៊ុនហិរញ្ញវត្ថុ

តារាសម្ដែងចិន ហ្វាន ពីងពីង (Fan Bingbing) ដែលព្យាយាមគេចមុខពីសាធារណជន ចាប់តាំងពីរឿងអាស្រូវគេចពន្ធរបស់នាងក្នុងឆ្នាំ២០១៧មក ពេលនេះ ត្រូវបានគេប្រទះឃើញ ស្និទ្ធស្នាលជាបុរសម្នាក់។

ថ្វីបើនាងមិនទាន់បញ្ជាក់ថាខ្លួនកំពុងមានទំនាក់ទំនងស្នេហាក៏ដោយ ប៉ុន្តែមានការចែកចាយវីដេអូមួយ ដែលបង្ហាញពីកាយវិការស្និទ្ធស្នាលរវាងនាងជាមួយបុរសសង្ហាម្នាក់ នៅខាងក្រៅភោជនីយដ្ឋាន។ គេឃើញបុរសម្នាក់នោះឱប និងថើបថ្ងាសរបស់ ហ្វាន ពីងពីង ចំណែកនាងថែមទាំងអង្អែលក្បាលពោះគាត់ទៀតផង។

អ្នកនិយមលេងអ៊ីនធឺណេត ក៏ឃើញវីដេអូថ្មីមួយទៀត ដែលនាងច្រៀងខារ៉ាអូខេ ហើយគេបានឃើញបុរសដែលមានមុខមាត់ស្រដៀងគ្នា កំពុងអង្គុយក្បែរនាងផងដែរ។

ក្រោយពេលព័ត៌មានស្នេហារបស់នាងបានសាយភាយនៅលើបណ្តាញសង្គម Weibo កាលពីចុងសប្តាហ៍នេះ អ្នកនិយមលេងអ៊ីនធឺណិតម្នាក់បានចេញមុខបកស្រាយលម្អិត ពាក់ព័ន្ធពាក្យចចាមអារ៉ាមអំពីមិត្តប្រុសរបស់ ហ្វាន ពីងពីង។

គេអះអាងថា បុរសម្នាក់នោះជាអ្នកធ្វើការក្នុងក្រុមហ៊ុនហិរញ្ញវត្ថុមួយ កាន់តំណែងជានាយកប្រតិបត្តិ។ បុរសរូបនោះក៏ធ្លាប់ចូលបម្រើយោធា១៨ឆ្នាំមកហើយ ហើយបច្ចុប្បន្នមានអាយុ ៤០ឆ្នាំ ស្របាលគ្នាទៅនឹង ពីងពីង ដែរ។

ហ្វាន ពីងពីង បានបែកបាក់ជាមួយតារាសម្តែង Li Chen កាលពីឆ្នាំ ២០១៩ ដោយសាររឿងអាស្រូវរបស់នាង ដូច្នេះហើយទើបមានការរិះគន់យ៉ាងខ្លាំង ចំពោះជីវិតស្នេហារបស់នាង។

ធ្លាប់តែជាតារាស្រីល្បីឈ្មោះលំដាប់អន្តរជាតិរបស់ប្រទេសចិនម្នាក់ រឿងអាស្រូវនោះបានបំផ្លាញអាជីព ក៏ដូចជាទ្រព្យសម្បត្តិផ្ទាល់ខ្លួនរបស់នាងយ៉ាងច្រើនផងដែរ ដោយនាងត្រូវបានពិន័យជាប្រាក់ចំនួន ៨៨៣លានយ័ន ពីបទគេចពន្ធ។

យ៉ាងណាមិញ ក្នុងរយៈពេលប៉ុន្មានខែចុងក្រោយនេះ នាងបាននិងកំពុងវិលត្រឡប់មកកាន់វិស័យសិល្បៈវិញ ខណៈថ្មីៗនេះនាងបង្ហាញខ្លួនជាភ្ញៀវកិត្តិយសក្នុងរឿង Insider របស់ទូរទស្សន៍ K-drama ដែលបានចាប់ផ្តើមចាក់ផ្សាយកាលពីថ្ងៃទី៨ ខែមិថុនា៕

ប្រែសម្រួល៖ សន្យា

ប្រភព៖ Asiaone

ចុចអាន៖ ប្រវត្តិខ្លះៗរបស់តួឯកស្រីរឿង “សំណុំក្ដីក្រើកមេឃ” និងបញ្ហាចម្រូងចម្រាសមុនចាកចេញពី TVB