ជីវិតកម្សាន្ដ
ខេម ជាអតីតអ្នករត់ម៉ូតូឌុបរកលុយចិញ្ចឹមម្ដាយ
តារាចម្រៀងសម្លេងស្អកលោក ខេម ខណៈអាជីពសិល្បៈបច្ចុប្បន្នកាន់តែមានភាពរីកចម្រើន និងទទួលបានការគាំទ្រអាចរកចំណូលបានកាន់តែខ្ពស់នោះ ក៏ស្រាប់តែទម្លាយអំពីប្រវត្តិអតីតកាលរបស់ខ្លួនដែលធ្លាប់ឆ្លងកាត់ការលំបាកជាច្រើនទម្រាំបានល្បីឈ្មោះដូចសព្វថ្ងៃ។
ទន្ទឹមពេលជាមួយគ្នានេះដែរ លោក ខេម ក៏បានបង្ហើបពីរឿងរ៉ាវអតីតកាលរបស់ខ្លួនអំឡុងមុនពេលល្បីគឺធ្លាប់ឆ្លងកាត់ជីវិតតស៊ូលំបាកច្រើនដើម្បីរកលុយចិញ្ចឹមម្ដាយជាស្ត្រីមេម៉ាយយ៉ាងកម្សត់ទៀតផង។ តួយ៉ាងកាលពីថ្មីៗកន្លងទៅនេះគ្រាដែលលោក ខេម បានចូលរួមក្នុងកម្មវិធីមួយលោកបានទម្លាយនូវប្រវត្តិខ្លះៗកាលពីក្មេង គឺលោកធ្លាប់រត់ម៉ូតូឌុបដើម្បីចិញ្ចឹមម្ដាយជាស្រ្តីមេម៉ាយដែលកាលនោះជីវិតលោកមានការតស៊ូ និងលំបាកខ្លាំង។
តារាចម្រៀងប្រុស ខេម បានឲ្យដឹងបែបនេះថា កាលលោកនៅស្រុកកំណើតខេត្តកំពង់ឆ្នាំ គឺម្តាយប្រកបរបរលក់ដូរបន្តិចបន្តូចហើយដល់លោកអាយុខ្ទង់១៦ឬ១៧ឆ្នាំ គឺលោកមានម៉ូតូអាសង់កូរ៉រចាស់មួយគ្រឿងក្នុងការរកលុយជួយផ្គត់ផ្គង់ដល់ជីវភាពគ្រួសារ(ចិញ្ចឹមម្តាយមេម៉ាយ) ដែលត្រូវជួយមើលថែគាត់។
លោក ខេម បន្តទៀតថា កាលណោះលោកត្រូវក្រោកពីដំណេកនៅម៉ោង៤ព្រឹក ដើម្បីដឹកបន្លែទៅលក់នៅផ្សារហូតដល់ម៉ោង៥ជាងក៏ត្រូវទៅងូតទឹកទៅសាលារៀនបន្តទៀតនៅវិទ្យាល័យ។ ចំណែកពេលវេលារត់ម៉ូតូឌុប គឺអត់សូវទៀងទាត់ពេល ឬម៉ោងទេ ព្រោះកំណត់ទៅតាមពេលវេលាដែលទំនេ ពោលគឺអាចថ្ងៃខ្លះព្រឹកថ្ងៃខ្លះទៀតល្ងាចក៏ថាបាន ព្រោះដោយសារកាលនោះលោកដឹកបន្លែផង រៀនផង និងរត់ម៉ូតូឌុបផង៕
អត្ថបទ៖ ចាន់រ៉ា
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»