ខេម ដាស់ស្មារតីកូនខ្មែរត្រូវចងចាំសង្គ្រាមឈ្លានពាន គឺគ្មានមនុស្សធម៌ គុណធម៌ជាមនុស្សទេ

ដោយការឈឺចាប់ចំពោះទង្វើរឈ្លានពានពីសំណាក់យោធាសៀម មកលើបូរណភាពទឹកដីរបស់កម្ពុជាតារាចម្រៀងសំឡេងស្អកលោក ខេម បានចេញមកបំផុស និងដាស់ស្មារតីប្រជាជនក៏ដូចកូនខ្មែរគ្រប់រូបត្រូវចងចាំសង្គ្រាមឈ្លានពានរបស់សៀម គ្មានមនុស្សធម៌គុណធម៌ជាមនុស្សទេ។

ជាមួយគ្នានោះ លោក ខេម បានបានរំលឹកនូវការឈឺចាប់ ព្រមទាំងផ្តាំដល់កូនខ្មែរទាំងអស់ ត្រូវតែចងចាំវីរភាពរបស់វីរកងទ័ពដែលហ៊ានលះបង់សាច់ស្រស់ឈាមស្រស់ ដើម្បីការពារបូរណភាពទឹកដី និងប្រជាជនខ្មែរពីការឈ្លានពានរបស់ពួកចោរសៀម។

លោក ខេម បានបញ្ជាក់ខ្លឹមសារថា ទោះមានបទឈប់បាញ់ ឬមិនមាន ចូរចងចាំថា សៀមជាពូជឆ្កួតគ្មានមនុស្សធម៌ គុណធម៌ជាមនុស្សនោះទេ យើងកុំចាំបាច់រំពឹងបរទេសណាមកជួយយើង យើងត្រូវតែរឹងមាំជាមួយគ្នា។

តារាចម្រៀងលោក ខេម បាននិយាយបន្តថា យើងជាកូនខ្មែរត្រូវតែចងចាំទុកនូវវីរភាពដ៏អង់អាចក្លាហានរបស់វីរកងទ័ពយើងដែលបានលះបង់ច្រើនណាស់ដើម្បីការពារជាតិមាតុភូមិ និងប្រជាជនក្នុងសង្គ្រាមឈ្លានពានរបស់សៀម។ តាមការកត់សម្គាល់តារាចម្រៀងលោក ខេម បានស្រុះដៃគ្នាផងដែរ ក្នុងការនាំយកជំនួយចុះជួយដល់វីរកងទ័ព និងជនភៀសសឹកនៅតាមព្រំដែនអំឡុងពេលកំពុងផ្ទុះសង្គ្រាម៕ ដោយ៖ ចាន់រ៉ា