ជីវិតកម្សាន្ដ

ម្ដាយ Weir បង្ហាញមុខគូស្នេហ៍ថ្មីរបស់កូនប្រុស មហាជនសង្ស័យមានដំណឹងល្អឆាប់ៗ

បានផុស

២ years មុន

នៅ

ថ្ងៃព្រហស្បតិ៍ ២៣ មិថុនា ២០២២

ដោយ

ក្រោយបែកបាក់គូស្នេហ៍ចាស់មួយរយៈធំ ពេលនេះកំពូលតារាប្រុស Weir Sukolwat បានភ្ជាប់ទំនាក់ទំនងជាមួយគូស្នេហ៍ថ្មី ខណៈម្ដាយរបស់លោកក៏បានបង្ហាញមុខអនាគតកូនប្រសាយ៉ាងកក្រើកពេញបណ្ដាញសង្គមថៃ សង្ស័យមានដំណឹងល្អឆាប់ៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាធម្មតា ម្តាយរបស់តារាប្រុស Weir រស់នៅក្រៅប្រទេសឯណោះ ដោយអ្នកស្រីមិនងាយត្រឡប់មកស្រុកកំណើតឡើយ តែពេលនេះគាត់បែរជាហោះយ៉ាងប្រញាប់មកជួបកូនប្រុស និងមិត្តស្រី ព្រមទាំងធ្វើដំណើរកម្សាន្តរួមគ្នាទៀតផង។

សកម្មភាពទាំងនេះ ធ្វើឱ្យមហាជនសង្ស័យថា Weir អាចនឹងមានដំណឹងរៀបការឆាប់ៗមិនខាន ព្រោះតែអ្នកមានគុណបានមកជួបអនាគតកូនប្រសាដោយផ្ទាល់ ជាពិសេសម្ដាយរបស់តារាប្រុសរូបនេះ ថែមទាំងបង្ហោះរូបថតស្និទ្ធស្នាលជាលក្ខណៈគ្រួសារ ជាមួយនឹង Caption ថា “គ្រួសាររបស់ខ្ញុំ!! ស្រឡាញ់អ្នកទាំងអស់គ្នា” (“My family!! Love you all”) ។

ប្រភពពី Sanook បានឱ្យដឹងថា សង្សារថ្មីរបស់ Weir Sukolwat ជាមនុស្សក្រៅរង្វង់សិល្បៈ ដែលនាងមានឈ្មោះថា Vicki។ នាងជាកូនស្រីត្រកូលអភិជ និងបានបញ្ចប់ការសិក្សាថ្នាក់អនុបណ្ឌិតមកពីក្រៅប្រទេស។ មិនតែប៉ុណ្ណោះ Vicki ជាអតីតពិធីការីអាកាសចរ ហើយបច្ចុប្បន្ននាងជាអ្នកម្ចាស់ហាងកែសម្ផស្សមួយកន្លែង និងជានាយិកាក្រុមហ៊ុនជំនួញដ៏ធំមួយផងដែរ៕