មកដឹងស្ថានភាពជនរងគ្រោះ ក្នុងហេតុការណ៍គ្រោះថ្នាក់ធ្លាក់អេក្រង់ LED

កាលពីយប់មិ្សលមិញមានឧបទ្ទវហេតុដ៏រន្ធត់មួយកើតឡើង បន្ទាប់ពីអេក្រង់ LED ទម្ងន់ ៦០០ គីឡូក្រាមបានធ្លាក់បាក់ចុះមកក្រោម កំលុងពេលក្រុមចម្រៀងបុរស Mirror កំពុងសម្ដែងក្នុងការប្រគំតន្ដ្រីរបស់ខ្លួននៅសាល Hong Kong Coliseum ទីក្រុងហុងកុង។ 

ប្រភពព័ត៌ SCMP បានឱ្យដឹងថា មនុស្សយ៉ាងហោច ៥នាក់រងរបួសធ្ងន់ស្រាល រីឯការប្រគំតន្ដ្រីត្រូវបានផ្អាកភ្លាមៗ។

ក្នុងចំណោមជនរងគ្រោះទាំង ៥នាក់ មានអ្នករាំ​ចំនួន ២នាក់​បានរងរបួសធ្ងន់ ​ខណៈនៅថ្ងៃទី២៩ ខែកក្កដា ឆ្នាំ២០២២នេះ ប្រព័ន្ធផ្សព្វផ្សាយក្នុងស្រុកបានរាយការណ៍អំពីស្ថានភាពជនរងគ្រោះទាំងពីរ។

ចំពោះករណីគ្រោះថ្នាក់នេះ អ្នករាំម្នាក់ឈ្មោះ A Feng ​រង​របួសស្នាម​បន្តិចបន្តួចប៉ុណ្ណោះ ​ប៉ុន្តែគេហាក់​​​ប៉ះ​ទង្គិច​​ផ្លូវចិត្តធ្ងន់ធ្ងរ ​ដោយសារតែភ័យខ្លាចខ្លាំងពេក។ ​ដោយឡែកអ្នករាំម្នាក់ទៀត ឈ្មោះ A Mo ដែលត្រូវផ្ទាំងអេក្រង់ LED សង្កត់ពេញទំហឹង ​បណ្តាល​ឱ្យគេសន្លប់បាត់​ស្មារតី។ យ៉ាងណាមិញ ​ថ្ងៃនេះ ​A Mo បាន​ដឹង​ខ្លួន​ហើយ ​និងអាចនិយាយ​បានខ្លះៗ។ ទោះបីជាបានភ្ញាក់ដឹងខ្លួនហើយក៏ដោយ ប៉ុន្តែអ្នករាំរូបនេះ កំពុង​​ស្ថិតក្នុង​សភាពធ្ងន់ធ្ងរនៅឡើយ។

ស្របពេលជាមួយគ្នានេះ អ្នករៀបចំកម្មវិធីប្រគុំតន្ត្រីរបស់ក្រុម Mirror បានចេញមុខសុំទោស​ជាសាធារណៈដល់ក្រុមគ្រួសារ​ជនរងគ្រោះ ​និងបានធានាចេញថ្លៃ​ព្យា​បាលទាំងអស់ផងដែរ៕

ប្រែសម្រួល៖ សន្យា

ចុចអាន៖​ ក្រុមតន្ត្រីហុងកុង Mirror បញ្ចប់ការសម្ដែងភ្លាមៗ ក្រោយជួបហេតុការណ៍ធ្លាក់ LED សង្កត់លើ​(មានវីដេអូ)

ចុចអាន៖ មិនធ្លាប់ដឹងសោះ ក្រៅពីច្រៀង តារាកូរ៉េ ៥រូបនេះ ជា CEO ក្រុមហ៊ុនកម្សាន្តផ្ទាល់ខ្លួនទៀត