ផ្ទេរមកុដយប់មិញ អតីតបវរកញ្ញាចក្រវាលថៃ ២០២១ រងការរិះគន់យ៉ាងដំណំ

នៅរាត្រីទី៣០ ខែកក្កដា ឆ្នាំ២០២២ បវរកញ្ញាចក្រវាលថៃឆ្នាំ ២០២១ កញ្ញា Anchile Scott-Kemis បានបញ្ចប់អាណត្តិរបស់ខ្លួនជាផ្លូវការ ជាមួយនឹងដំណើរនៅឆាកជាលើកចុងក្រោយ។ យ៉ាង​ណា​មិញ អំឡុងពេលបង្ហាញខ្លួន និងផ្ទេរមកុដយប់មិញនេះ Anchile បែរជាទទួលពាក្យរិះគន់ច្រើនជាងពាក្យសរសសើរ ព្រោះតែស្ទីលតុបតែងខ្លួនរបស់នាង។

ជាមួយនឹងរ៉ូបស្រមោលសរ ពណ៌បៃតងវែង និងការតុបតែងមុខរបស់ Anchile Scott-Kemis នាងត្រូវមហាជនមួយចំនួនរិះគន់ពីភាពមិសមទំនង ខណៈមតិភាគច្រើននិយាយថា បវរកញ្ញារូបនេះស្លៀកពាក់មិនស្អាត និងមើលទៅធ្វើឱ្យរូបរាងរបស់នាងកាន់ធាត់ទ្វេដង។ លើសពីនេះទៀតស្ទីលម៉ូដសក់ ក៏មិនសមនឹង Anchile ដែរ។

ទោះយ៉ាងណា Annchile Scott-Kemis ហាក់មិនយកចិត្តទុកដាក់នឹងសម្ដីរិះគន់ឡើយ នាងបានឡើងថ្លែងសុន្ទរកថាដោយអរគុណដល់ក្រុមគ្រួសារ សាច់ញាតិ និងទស្សនិកជនរបស់នាងសម្រាប់ការគាំទ្រ នាពេលកន្លងមក។ នាងថែមទាំង​បញ្ជាក់​ថា នាង​នឹង​បន្ត​បេសកកម្ម​របស់​នាងឱ្យបានល្អ ​បើ​ទោះ​បី​អាណត្តិ​របស់​នាង​ត្រូវ​​បញ្ចប់​ក៏​ដោយ។

គួររំលឹកថា កាលពីពេលទើបគ្រងមកុដ Miss Thailand 2021 ថ្មីៗ បវរកញ្ញា Anchile ធ្លាប់រងពាក្យរិះគន់ជាច្រើនផងដែរលើរូបរាងធាត់ ដៃជើងធំៗ មិនសមជាបវរកញ្ញា។ ទោះយ៉ាងណា អតីតបវរកញ្ញារូបនេះ ព្យាយាមកទម្ងន់ណាស់ ដោយនាងតែងតែហាត់ជាប្រចាំ។ បើ​ធៀប​នឹង​ពេល​ឡើង​គ្រង​តំណែងភ្លាមៗ ​បច្ចុប្បន្នរាងរៅរបស់នាង​ស្លីមស្រឡូន​ជាង​មុនហើយ៕

ប្រែសម្រួល៖ សន្យា

ចុចអាន៖ បវរកញ្ញាចក្រវាលថៃ ២០២២ មានប្រវត្តិចេញពីគំនរសំរាម និងធំធាត់ឡើងដោយសារបាយវត្ត