ជីវិតកម្សាន្ដ

ឡាយ លក្ខិណា ប្រើជីវិតឡូយឆាយលើទឹកដីកាណាដា ខណៈមានការសង្ស័យថាសម្ងំស្នេហ៍ថ្មី

បានផុស

៦ years មុន

នៅ

ថ្ងៃសុក្រ ២៥ ធ្នូ ២០២០

ដោយ

តារាចម្រៀងស្រីអ្នកនាង ឡាយ លក្ខិណា គិតរហូតមកទល់ពេលនេះ បានឈានជើងចាក់ចេញពីទឹកដីប្រទេសកំណើតកម្ពុជា ដើម្បីទៅច្រៀងនិងបង្អួតសម្រស់លើទឹកដីប្រទេសកាណាដាមានរយៈពេលប្រមាណជាង១ឆ្នាំមកហើយ ខណៈដំណឹងនៃការវិលត្រឡប់មកខ្មែរវិញនៅមិនទាន់កំណត់ពេលវេលាជាក់លាក់ណានៅឡើយទេក្រោយពេលជាប់គាំងដោយបញ្ហាជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេចាំបានថា ឡាយ លក្ខិណា បានចេញទៅច្រៀង សម្ដែង និងថតសំឡេងឲ្យផលិតកម្ម Sandapl Production ជាលើកទី២នៅប្រទេសកាណាដាកាលពីថ្ងៃទី១៣ ខែសីហា ឆ្នាំ២០១៩ ហើយតាមគម្រោងនាងត្រូវវិលមកដល់ស្រុកវិញកាលពីថ្ងៃទី៣១ ខែវិច្ឆិកា ឆ្នាំ២០១៩ ពោលគឺការចេញទៅកាណាដាលើកនេះមានរយៈពេលតែ៣ខែប៉ុណ្ណោះ។ ប៉ុន្ដែមកដល់ពេលនេះ មានរយៈពេល១៤ខែទៅហើយ ដែលគេនៅតែមិនឃើញ ឡាយ លក្ខិណា វិលត្រឡប់មកប្រទេសកំណើតវិញទេ។

ដោយសារតែហេតុផលនេះហើយទើបមានការសង្ស័យជាថ្មីថា ឡាយ លក្ខិណា កំពុងតែរស់នៅសាងស្នេហ៍ថ្មីលើទឹកដីកាណាដា ខណៈគូស្នេហ៍ជាអ្នកធានារ៉ាប់រងនាងគ្រប់បែបយ៉ាងទាំងអស់ទើប លកិ្ខណា មិនខ្វល់ពីការផុតកំណត់លិខិតឆ្លងដែន។ ប្រភពព័ត៌មានបានបង្ហើបថា ការបន្តស្នាក់នៅប្រទេសកាណាដាលែងចង់វិលមកវិញពីសំណាក់តារាស្រីវ័យជ្រេរូបនេះ ប្រហែលកំពុងជួបគូស្នេហ៍ថ្មីនៅលើទឹកដីកាដាណាទើបដំណើរវិលត្រឡប់មកវិញ ត្រូវបានខកខានក្រោមហេតុផលថាដោយសារបញ្ហាជំងឺកូវីដ។

ប្រភពបានបន្តនិយាយទៀតថា ការចេញទៅច្រៀងនៅប្រទេសកាណាដាលើកនេះ គឺជាឱកាសដ៏ល្អមួយសម្រាប់ពេលវេលាសម្ងំសាងស្នេហ៍ជាមួយគូស្នេហ៍ថ្មីនៅលើទឹកដីនោះតែម្ដង ព្រោះតែការជាប់គាំងមិនឃើញវិលមកកម្ពុជាវិញនេះ គឺមានរយៈពេល១ឆ្នាំនិង២ខែ(១៤ខែ)ឯណោះ ខណៈដែលកន្លងមកតារាចម្រៀងរូបនេះកម្រនឹងបានចាកចេញទៅច្រៀង-សម្តែងនៅប្រទេសកាណាដា។ កម្ពុជាថ្មីនៅព្រឹកថ្ងៃទី២៥ ខែធ្នូ ឆ្នាំ២០២០ នេះមិនអាចទាក់ទងសុំការបកស្រាយពីនាងបាននៅឡើយទេ ខណៈបច្ចុប្បន្ន ឡាយ លក្ខិណា កំពុងបន្តរស់នៅប្រើជីវិតឡូយឆាយលើទឹកដីប្រទេសកាណាដា៕

អត្ថបទ៖ ចាន់រ៉ា

សូមចុចអាន៖ សោភា ទេពី ព្រួយបារម្ភខ្លាំង ក្រោយកើតជំងឺអុតស្វាយធ្ងន់ធ្ងរ

Related Topics:តារាចម្រៀងខ្មែរ