ជីវិតកម្សាន្ដ

Nune Woranuch បង្ហោះរូបមិត្តសម្លាញ់ ស្រាយពាក្យចចាមអារ៉ាមថា មិនមើលមុខគ្នាជិត ១០ ឆ្នាំ

បានផុស

៤ years មុន

នៅ

ថ្ងៃអង្គារ ២៣ សីហា ២០២២

ដោយ

អ្នកគាំទ្រហាក់សប្បាយចិត្តជាខ្លាំង ក្រោយឃើញ Nune Woranuch និងអតីតមិត្តសម្លាញ់ Ning Panita បានបង្ហោះរូបជាមួយគ្នាម្ដងទៀត។ បន្ទាប់ពីមានពាក្យចចាមអារ៉ាមថា ទំនាក់ទំនងតារាសម្ដែងពីរដួងនេះ បែកបាក់រហូតមើលមុខគ្នាមិនចំជាង១០ឆ្នាំហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញបញ្ហានេះ តារាស្រី Nune Woranuch បានបើកចំហជម្រះការសង្ស័យ និងបញ្ជាក់ថា ពួកគេនៅតែជាមិត្តនឹងគ្នាដដែល។ គ្រាន់តែអ្នកទាំងពីរត្រូវនៅឆ្ងាយពីគ្នា និងរវល់ការងាររៀងៗខ្លួន។ ប៉ុន្តែកន្លងមក នាងបានជជែកគ្នាលេងសួរសុខទុក្ខគ្រប់ពេល គ្រាន់តែមិនបង្ហោះរូប។ ជាពិសេស នាងក៏តែងតែលើកទឹកចិត្តដល់ Ning ព្រោះពេលនេះ Ning បានផ្លាស់ប្ដូរតួនាទី ជាអ្នកផលិតរឿង ហើយការងារនឹងកាន់តែលំបាកជាងមុនទៅទៀត។

ទន្ទឹមនោះ ចំពោះរូបភាពដែលនាងបង្ហោះនិងជាបញ្ហានោះ តួឯកស្រីក្នុងរឿង “ជីវិតនាងឡាយ៉ង” បានបង្ហើបថា ជារូបភាពក្នុងថ្ងៃសម្ពោធតួថ្មីរបស់គូស្នេហ៍លោក Khem Hid Plai និង Noob Wimala ។ ខណៈពួកនាងជួបគ្នា ហើយក៏ថតរូបបញ្ចាក់មន្ទិលសង្ស័យនេះតែម្ដង។

គួររំលឹកដែរថា តារាស្រី Nune Woranuch និង Ning Panita មិនត្រឹមជាអ្នករួមការងារជាមួយគ្នានោះទេ តែក៏ជាមិត្តជំនិត ពោលគឺមិត្តសម្លាញ់នឹងគ្នាតាំងពីចូលសិល្បៈ មិនបានប៉ុន្មានឆ្នាំមកម្ល៉េះ។ ក្រោយមក ក៏មានការសង្ស័យថាអ្នកទាំងពីរបានឈ្លោះគ្នា ប៉ុន្តែ Nune ក៏បានចេញមុខទម្លាយដោយមិនលាក់បាំងថា “វាជារឿងធម្មតានោះទេ មិត្តភ័ក្ដិក្នុងក្រុមរមែងតែងមានការអន់ចិត្ត និងទាស់ទែងគ្នាខ្លះវាជារឿងធម្មតា”៕

ប្រែសម្រួល៖ សាង ស្រីល័ក្ខ

ចុចអាន៖Pu Praya ក្រោយជ្រៀតខ្លួនចូលទឹកដីហូលីវូដ កាន់តែស្លៀកប៊ីគីនីសិចស៊ីបង្អួតសម្រស់រាល់ថ្ងៃ

ចុចអាន៖Kimberly ជួបគ្រោះថ្នាក់ ពេលកំពុងថតរឿងភាគ