ជីវិតកម្សាន្ដ

ពិតជាសមសួនណាស់! ព្រះនាងតូច ជេនណា នរោត្តម គ្រងឈុតបុរាណឈ្មោះថា “អប្សរសុវណ្ណ ទេពធីតា”

បានផុស

៤ years មុន

នៅ

ថ្ងៃសៅរ៍ ២៧ សីហា ២០២២

ដោយ

អ្នកគាំទ្រ និងប្រើប្រាស់បណ្តាញសង្គមហ្វេសប៊ុកផ្ទុះការចាប់អារម្មណ៍ហើយពោលសរសើរគ្រប់គ្នាបន្ទាប់ពីឃើញព្រះនាងតូច ជេនណា នរោត្តម គ្រងឈុតសម្លៀកបំពាក់បុរាណឈ្មោះថា “អប្សរសុវណ្ណ ទេពធីតា” យ៉ាងស្រស់ស្អាត និងត្រូវបានចែករំលែកនៅលើបណ្តាញសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថិតក្នុងព្រះជន្ម១០វស្សា ព្រះនាងតូច ជេនណា នរោត្តម អាចនិយាយបាន៥ភាសា និងមានទេពកោសល្យខាងច្រៀង រាំ និងសម្តែងយ៉ាងពិសេស ហើយស្ទាត់ជំនាញទៀតផង។ ចំពោះភាសាទាំង៥ដែលព្រះនាងតូច ជេនណា អាចប្រើបាននោះរួមមាន ភាសាខ្មែរ, ភាសាអង់គ្លេស ,ចិន ,ថៃ ,បារាំង ដែលនេះគឺជាសមត្ថភាពដ៏ពិសេសមួយដែលមនុស្សភាគច្រើនពិបាកធ្វើបាន។

ដោយឡែកចាប់អារម្មណ៍មកមើលពីរូបភាពដែលទ្រង់គ្រងនូវឈុតបុរាណ និងត្រូវបានបង្ហោះនោះ ព្រះនាងតូច ជេនណា បានរៀបរាប់ថា «ថ្ងៃនេះខ្ញុំមានឈុតសម្លៀកបំពាក់បុរាណច្នៃថ្មីមួយទៀតហើយ ដែលឈុតនេះមានឈ្មោះថា ឈុតអប្សរសុវណ្ណ ទេពធីតា ដែលមានកំណើតលើដែនដីសុវណ្ណភូមិ ព្រះរាជាណាចក្រអច្ឆរិយៈ។ សង្ឃឹមថា ពុកម៉ែបងប្អូន និងពេញចិត្តឈុតមួយនេះដូចឈុតកន្លងទៅដែរ»

តាមរយៈនេះ គេឃើញមានការលើកសរសើរព្រះនាងតូចថា «ស្រស់ស្អាតណាស់ព្រះនាង, ស្អាតឆ្លាតលេចធ្លោក្នុងខ្សែរាជវង្ស, ស្អាតណាស់ព្រះនាងតូចរបស់ខ្ញុំពិតជាស្អាតខ្លាំងណាស់, ព្រះអើយទ្រង់ពិតជាស្អាតខ្លាំងណាស់, ស្អាតណាស់ព្រះនាងតូចរបស់ខ្ញុំស្លៀកអី្វក៏ស្អាតដែរ សមជានារីខ្មែរខ្លាំងណាស់ ,ចិត្តក៏ល្អ សម្រស់ក៏ស្អាត ព្រះនាងតូចដល់សែនគោរពព្រះនាងគួរឲ្យស្រឡាញ់ខ្លាំងណាស់, ព្រះនាងតូចទាំងស្អាតហើយឆ្លាតណាស់»។

សូមជម្រាបដែរថា ព្រះនាងតូចជេនណានរោត្តម គឺជាសែស្រឡាយរាជវង្សដែលមានសម្ផស្សស្រស់ស្អាតតាំងពីក្មេងវ័យពិសេសនោះ គឺមានទេពកោសល្យសិល្បៈគួរឲ្យស្ងប់ស្ងែង។ លើសពីនេះព្រះនាងតូចក៏ឧស្សាហ៍បង្ហោះរូបថតគ្រងឈុតប្រពៃណីដ៏ស្រស់ស្អាតអមដោយសារជូនពរចំពោះជនរួមជាតិជាបន្តបន្ទាប់ផងដែរ៕

អត្ថបទ៖ ចាន់រ៉ា