មួយឈុតរបស់ Jennie សមាជិក Blackpink ក្នុងកម្មវិធីបង្ហាញម៉ូដម៉ាក Chanel ទាក់ទាញខ្លាំង

Jennie សមាជិកក្រុម Blackpink បានចូលរួមកម្មវិធីបង្ហាញម៉ូដម៉ាក Chanel Spring/Summer 2023 នៅ Paris Fashion Week ក្នុងនាមជាទូតសុឆន្ទៈសកលឲ្យម៉ាកយីហោរមួយនេះ ខណៈឈុតដែលនាងស្លៀកនោះបានបង្ហាញពីការទាក់ទាញខ្លាំងមិនធម្មតា ។

នៅក្នុងកម្មវិធីនោះ Jennie បានស្លៀកបែបស៊ិចស៊ីជាមួយរ៉ូបខ្លីត្រឹមភ្លៅ និងអាវក្រៅពណ៌ ស ប៉ាក់ចេញជាឡូហ្គោម៉ាក Chanel ស្បែកជើង ក វែងពណ៌ខ្មៅ ហើយនឹងមានការតុបតែងមុខយ៉ាងសាមញ្ញ ដែលមើលទៅនាងមានលេចធ្លោខ្លាំងសម្រាប់កម្មវិធីបង្ហាញម៉ូតរបស់ម៉ាក Chanel នៅក្នុងឆ្នាំនេះ។

ស្របពេលជាមួយគ្នានេះ Jennie ក៏បង្ហោះរូបថតជាច្រើនសន្លឹកនៅលើគណនី Instagram របស់នាងអមជាមួយនឹងសំណេរថ្លែងអំណរគុណដល់ Chanel ថា “ខ្ញុំពិតមានសំណាងណាស់ដែល បានឃើញម៉ូដសំលៀកបំពាក់ស្អាតៗនៅទីក្រុងប៉ារីស ហើយសូមអរគុណដល់ Chanel ដែលបានអញ្ជើ ញខ្ញុំផងដែរ”។

គួរបញ្ជាក់ថា នេះជាលើកទី ៦ ហើយដែល Jennie បានចូលរូមកម្មវិធីបង្ហាញម៉ូដរបស់ម៉ាក Chanel
ចាប់តាំងពីនាងបានក្លាយជាទូតសុឆន្ទៈផ្សាព្វផ្សាយឲ្យម៉ាកយីហោរមួយនេះ ៕

ប្រែសម្រួលដោយ ៖ នាងតូច

ចុចអាន៖Jisoo នឹងក្លាយជាទូតសុឆន្ទៈឲ្យម៉ាកយីហោគ្រឿងអលង្ការដ៏ល្បីមួយរបស់ បារាំង

ចុចអាន៖ធ្លាយដំណឹងថា BTS នឹងសម្ដែងបើកការប្រកួត World Cup ឆ្នាំ ២០២២ នៅកាតា