ស្ត្រីកែសម្ផស្សមុខដូច Angelina Jolie បង្ហាញមុខពិតលើកដំបូង ក្រោយចេញពីពន្ធនាគារ

កាលពីប៉ុន្មានឆ្នាំមុនមានរូបភាពច្រើនសន្លឹក ដែលមនុស្សគិតថា ជាតារា​សម្ដែង​ហូលីវូដ Angelina Jolie មើលទៅ​ស្លេកស្លាំង​ដូចជាខ្មោច ប៉ុន្តែ​តាម​ពិត​នាង​ជា​ស្ត្រី​ជនជាតិ​អ៊ីរ៉ង់​អាយុ ២១ ឆ្នាំ​ម្នាក់​ ដែល​ស្លៀក​សំលៀក​បំពាក់​ដូច Jolie ។

ស្ត្រី​ជនជាតិ​អ៊ីរ៉ង់​ម្នាក់​ឈ្មោះ Fatemeh Khishvand បានសារភាពថា ​ការតុបតែងខ្លួនរបស់នាង​មើលទៅដូចជា Angelina Jolie តាមពិតគឺនាងបានប្រើ Photoshop ដើម្បីកែសម្រួលវា ហើយបង្ហោះ​នៅលើ Instagram តែប៉ុណ្ណោះ។

ប៉ុន្តែ​ថ្មីៗ​នេះ នាង​ត្រូវ​បាន​ដោះលែង​ពី​ពន្ធនាគារឲ្យមានសេរីភាព បន្ទាប់ពីត្រូវបានចាប់ខ្លួនកាលពីខែ​តុលា ឆ្នាំ ២០១៩ ពីបទពុករលួយ និង​ប្រមាថ ហើយ​ត្រូវបានកាត់ទោសឲ្យ​ជាប់គុក១០ ឆ្នាំ និងសម្រាលមកត្រឹមតែ ១៤ខែ។ ដោយសារ​តែ​ភាព​ចលាចល​នៅ​តាម​ទី​សាធារណៈ​ជុំវិញ​ពន្ធនាគារ ទើបនាង​ត្រូវ​បាន​ដោះលែង ហើយ​បាន​សម្ភាស​ជាមួយ​​មុខ​មាត់​ពិត​ជា​លើក​ដំបូង ដោយនិយាយថា ”មិន​ធ្លាប់​ធ្វើការ​វះកាត់​កែសម្ផស្ស​លើ​ផ្ទៃមុខ​ពី​មុន​មក។ អ្វី​ដែល​អ្នក​ឃើញ​ក្នុង​ទម្រង់​នោះ គឺ​ការ​ប្រើប្រាស់​កម្មវិធី Photoshop សុទ្ធសាធ។”

បន្ទាប់​ពី​នេះ នាង​នឹង​ប្រើ​តែ​ទំព័រ​ហ្វេសប៊ុក​សម្រាប់​ការ​អាប់ដេត​ប៉ុណ្ណោះ ខណៈពីមុននាងបានបើក​គណនី Instagram តាំងពីឆ្នាំ ២០១៧ ដែល​មាន​អ្នកតាមដាន ៥០០,០០០៕

ប្រែសម្រួល៖ សាង ស្រីល័ក្ខ

ចុចអាន៖អាល់ប៊ុម Midnights របស់ Taylor Swift បង្កើតប្រវត្តិសាស្ត្រមិនធ្លាប់មាន លើ Billboard Hot 100