អាល់ប៊ុម Midnights របស់ Taylor Swift បង្កើតប្រវត្តិសាស្ត្រមិនធ្លាប់មាន លើ Billboard Hot 100

Taylor Swift បានក្លាយជាសិល្បករដំបូងគេក្នុងប្រវត្តិសាស្ត្រតន្ត្រី ដែលកាន់កាប់តំណែងកំពូលទាំង ១០ ក្នុងពេលតែ មួយ នៅលើតារាង Billboard Hot 100 ជាមួយនឹងអាល់ប៊ុម Midnights ដែលនាងទើបតែចេញផ្សាយ ។

យោងតាមគេហទំព័រផ្លូវការរបស់ Billboard នៅថ្ងៃទី ៣១ ខែតុលា (ម៉ោងនៅអាមេរិច) Taylor Swift បានគ្រប់គ្រងកំពូលទាំង ១០ នៃតារាង Billboard Hot 100 សប្តាហ៍នេះ។ ​​Billboard បានដាក់ពិន្ទុរឲ្យអាល់ប៊ុម “Midnights” ​​គឺជាអាល់ប៊ុមមានប្រជាប្រជាប្រិយភាពខ្លាំង​ដែលបទចម្រៀងទាំងអស់ចូលក្នុងតារាង Top 10 របស់ Billboard នៅអាមេរិច។

បន្ថែមពីលើ Top 10 ចម្រៀង១០ បទដែលនៅសល់ក្នុងអាល់ប៊ុម “Midnights” (មានសរុប ២០ បទ) ក៏បានចូលក្នុងតារាង Billboard Hot 100 ដោយគ្រោងតំណែងទាបបំផុតក្រោម Top 45 ។ ក្នុងនោះបទ”Anti-Hero” ក៏ឈរនៅលើកំពូលតារាង Billboard ពីរផ្សេងទៀតគឺតារាង The Global 200 និងតារាង The Global Excl ។​ ទន្ទឹមនឹងនេះ អាល់ប៊ុម “Midnights” បានឈរនៅលើកំពូលតារាង Billboard 200 នេះគឺជាអាល់ប៊ុមទី ១១ ជាប់ៗគ្នារបស់តារាចម្រៀងស្រីដែលឈរនៅលើតារាងនេះ។

យ៉ាងណាមិញ អាល់ប៊ុម “Midnights” គឺជាអាល់ប៊ុមដែលមានអ្នកស្រ្ទីម ១ ពាន់លានដងត្រឹមរយៈ ពេលខ្លីក្នុងប្រវត្តិសាស្រ្តនៅលើ Spotify ។ Taylor បានបំបែកកំណត់ត្រាជាផ្លូវការ សម្រាប់ការស្ទ្រីមដ៏ច្រើនបំផុតប្រចាំសប្តាហ៍ នៅលើ Spotify​ ដោយវ៉ាដាច់តារារ៉េប Bad Bunny ដែលមានចំនួន ៨៣៩ លានដង៕

ប្រែសម្រួល៖នាងតូច

ចុចអាន៖Taylor Swift លុបឈុតដ៏ចម្រូងចម្រាសចេញពី MV បទ ‘Anti-Hero’ បន្ទាប់ពីមានការរិះគន់

ចុចអាន៖Taylor Swift បំបែកកំណត់ត្រាពិភពលោកជាថ្មី ម្ដងទៀត ជាមួយអាល់ប៊ុម Midnights