ជីវិតកម្សាន្ដ
សម្រស់យុវតី វង់សឿ អេរីម៉ា កំពុងឆក់យកបេះដូងអ្នកគាំទ្រ ក្នុងវិស័យដើរម៉ូដ
យុវតី វង់សឿ អេរីម៉ា ថ្មីៗនេះ បង្ហាញនូវវត្តមានក្នុងកម្មវិធីប្រកួត Miss Teen International Cambodia2023 ដោយក្នុងនោះគេសង្កេតឃើញយុវតី អេរីម៉ា បញ្ចេញសមត្ថភាព និងទេពកោសល្យបានយ៉ាងល្អ បូករួមជាមួយភាពក្លាហាន ព្រមទាំងរូបសម្រស់ស្រស់ស្អាតពីធម្មជាតិនៅលើឆាកប្រកួតមួយនេះ។
ជាការពិត យុវតី វង់សឿ អេរីម៉ា ដែលជាបេក្ខភាពប្រឡងកម្មវិធី Miss Teen International Cambodia2023 បច្ចុប្បន្នកំពុងបោះជំហាន និងសាងប្រជាប្រិយភាពលើវិស័យដើរម៉ូដ ខណៈពេលខាងមុខ ត្រូវបានគេរំពឹងថា យុវតីរូបនេះ នឹងអាចមានឱកាសដណ្តើមបានជ័យលាភីពាំនាំកេរ្តិ៍ឈ្មោះប្រទេសកម្ពុជាឈរលើអន្តរជាតិទៀតផង។
ផ្អែកលើសមត្ថភាពឆ្លាតវ័យក្នុងការដើរម៉ូដ បូកផ្សំជាមួយសម្រស់ដ៏ស្រស់ស្អាតពីធម្មជាតិរបស់យុវតី វង់សឿ អេរីម៉ា បានធ្វើឲ្យមហាជន ជាពិសេសអ្នកគាំទ្រវិស័យដើរម៉ូដកាន់តែស្រលាញ់ពេញចិត្តជាខ្លាំង។ ត្រង់ចំណុចនេះហើយ ទើបយុវតី វង្សសឿ អេរីម៉ា ត្រូវបានគណៈកម្មការសម្រេចឲ្យជាប់នៅក្នុងវគ្គ “Audition “បន្តចូលទៅប្រកួតវគ្គ “ Run way ”។
បើតាមការបញ្ជាក់ពីយុវតីរូបស្រស់ វង្សសឿ អេរីម៉ា បានថ្លែងឲ្យដឹងថា ដោយសារការស្រលាញ់លើវិស័យសិល្បៈ ពិសេសការដើរម៉ូដនេះតែម្ដង ទើបជំរុញទឹកចិត្តប្អូនឲ្យមានឆន្ទៈក្នុងការដាក់ពាក្យចូលប្រឡងកម្មវិធីខាងលើ។ អេរីម៉ា បានបន្តថា នាងមិនមានបងប្អូនជាប់ឈាមជ័រជាអ្នកសិល្បៈទេ តែអ្វីដែលខ្លួនកំពុងធ្វើពេលនេះ ក៏ដោយសារមានការលើកទឹកចិត្តពីសំណាក់ឪពុកម្ដាយបងប្អូន បូករួមនឹងទេពកោសល្យសិល្បៈពីកំណើតផងដែរ។
យុវតីវ័យ ១៦ ឆ្នាំរូបនេះ បានបន្ថែមថា “ខ្ញុំកើតចេញពីត្រកូលកូនកសិករ ដោយពុំមានឪពុកម្ដាយជាអ្នកសិល្បៈទេ ហើយរឿងសំខាន់ដែលខ្ញុំរំពឹងពេលនេះ គឺលើសមត្ថភាពផ្ទាល់ខ្លួន។ ដូច្នេះខ្ញុំសង្ឃឹមថា នឹងទទួលបានការគាំទ្រលើកទឹកចិត្តពីសំណាក់ពុកម៉ែបងប្អូនគ្រប់មជ្ឈដ្ឋាន។ ដោយឡែកបើតាមការកត់សម្គាល់ ការលេចវត្តមានរបស់យុវតី វង់សឿ អេរីម៉ា នេះ កំពុងទទួលបានការគាំទ្រ និងសរសើរពីមហាជនជុំវិញរូបសម្រស់ដ៏ស្រស់ផូរផង់ ជាមួយកែវភ្នែកស្រទន់ បបូរមាត់ស្ដើងស្អាត កម្ពស់ខ្ពស់សមល្មម ដែលធ្វើឲ្យយុវតីរូបនេះឆក់បានបេះដូងពីអ្នកគាំទ្រគ្រប់គ្នា៕
អត្ថបទ ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ