ជីវិតកម្សាន្ដ

ប្រកាសបែកគ្នា ១ ឆ្នាំ ! ពេជ្រ សោភា ស្រាប់តែធ្វើឲ្យអ្នកគាំទ្រស្រឡាំងកាំង នៅព្រឹកនេះ

បានផុស

១ year មុន

នៅ

ថ្ងៃសុក្រ ១១ វិច្ឆិកា ២០២២

ដោយ

អ្នកប្រើប្រាស់បណ្ដាញសង្គមហ្វេសប៊ុក និងមហាជនទូទៅ បានសម្តែងការភ្ញាក់ផ្អើល បន្ទាប់ពីមានការស៊ែរចែករំលែករូបភាពជាច្រើនសន្លឹក បង្ហាញពីទិដ្ឋភាព នៃពិធីភ្ជាប់ពាក្យរបស់តារាច្រៀងអ្នកនាង ពេជ្រ សោភា និងកំលោះសង្ហា ឆឹម សក្កដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីភ្ជាប់ពាក្យដោយបើកចំហ ដោយមានការចូលរួមដឹងឮពីចាស់ទុំទាំងសងខាង និងមិត្តភ័ក្ដិសិល្បៈរួមអាជីព រវាងគូស្នេហ៍អ្នកនាង ពេជ្រ សោភា និងលោក ឆឹម សក្កដា នេះ បានប្រព្រឹត្តធ្វើឡើងនៅព្រឹកថ្ងៃទី ១១ ខែវិច្ឆិកា ឆ្នាំ ២០២២។ ជាមួយនោះដែរ ក៏មានអ្នកគាំទ្រជាច្រើន បានសម្តែងការចូលរួមអបអរ និងជូនពរគ្រប់គ្នា។

គេនៅចាំបានថា កាលពីកន្លងទៅ ពោលគឺមានរយៈពេលប្រមាណជាមួយឆ្នាំទៅហើយដែល ពេជ្រ សោភា លេងល្បែងស្នេហាបំភ័ន្តភ្នែកមហាជន និងអ្នកគាំទ្រ ដោយការប្រកាសក្តែងៗថា នាង និងគូស្នេហ៍លោក ឆឹម សក្កដា បានសម្រេចបែកផ្លូវគ្នាហើយ។ ប៉ុន្តែផ្ទុយពីការពិត នាងបែរជាសម្ងំសាងក្តីសុខជាមួយគ្នា រហូតប្រកាសពិធីភ្ជាប់ពាក្យជាផ្លូវការនៅថ្ងៃនេះ៕

អត្ថបទ ៖ ចាន់រ៉ា