ជីវិតកម្សាន្ដ

កំពូលតារាចម្រៀងងារជាឧកញ៉ា ២ រូប សុទ្ធតែខ្លាំងដូចគ្នាលើវិស័យពីរនេះ

បានផុស

២ years មុន

នៅ

ថ្ងៃសុក្រ ១១ វិច្ឆិកា ២០២២

ដោយ

កំពូលតារាចម្រៀងប្រុសពីររូបដែលប្រែក្លាយពីអ្នកសិល្បៈល្បីឈ្មោះ មានងារជាឧកញ៉ាផងនោះបច្ចុប្បន្នត្រូវបានអ្នកគាំទ្រមើលឃើញថា រវាងអាជីពសិល្បៈ និងមុខជំនួញ គឺកំពុងមានសន្ទុះដើរទៅមុខទន្ទឹមគ្នា ខណៈមានទស្សនៈថា ឧកញ៉ាទាំងពីរសុទ្ធតែខ្លាំងដូចគ្នា មិនថាសិល្បៈ ឬការងាររកស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្ដើមចេញពីអ្នកចម្រៀងមានងារជាឧកញ៉ារវាងរៀមច្បង ព្រាប សុវត្ថិ និង ខេមរៈ សិរីមន្ត បានក្លាយ ជាគំរូល្អថ្មីមួយទៀត នៃរបត់សង្គម ដែលកន្លងមកអ្នកទាំងពីរ ក៏តែងលេចមុខយ៉ាងសកម្មនៅក្នុងកិច្ច ការងារសង្គមបច្ចុប្បន្ន។ ជាក់ស្ដែងត្រូវបានគេកត់សម្គាល់ថា ឧកញ៉ា ព្រាប សុវត្ថិ និងឧកញ៉ា ខេមរៈ សិរីមន្ត សព្វថ្ងៃក៏កំពុងត្រូវប៉ាន់ក្នុងការងាររកស៊ី ក៏ដូចជាវិស័យសិល្បៈផងនោះ។

ដូច្នេះ សូមចាប់អារម្មណ៍ទៅលើភាពជោគជ័យរបស់កំពូលតារាចម្រៀងទាំង ២ រូប ដូចខាងក្រោម ៖

១.កំពូលតារាចម្រៀង ព្រាប សុវត្ថិ ត្រូវបានមហាជនដឹងមកហើយថា បច្ចុប្បន្នលោកក្រៅពីជោគជ័យសិល្បៈ ក៏មានមុខជំនួញជាច្រើនកំពុងកាន់ក្នុងដៃផងដែរ។ ក្នុងនោះ ឧកញ៉ា ព្រាប សុវត្ថិ ក៏មានជំនួញផ្នែកអចលនទ្រព្យផងដែរ ដោយមានក្រុមហ៊ុនឈ្មោះថា Preap Sovath Investment។

២.តារាចម្រៀង ខេមរៈ សិរីមន្ត សព្វថ្ងៃគឺជាតារាចម្រៀងលំដាប់ជួរមុខរបស់ផលិតកម្មរស្មីហង្សមាស ហើយកាលពីថ្មីៗនេះ លោកក៏ត្រូវបានព្រះមហាក្សត្រ នៃព្រះរាជាណាចក្រកម្ពុជា បានចេញព្រះរាជក្រឹត្យប្រោសព្រះរាជទានគោរមងារជាឧកញ៉ាផងដែរ។ បន្ទាប់ពីជោគជ័យសិល្បៈ តារារូបនេះ កន្លងមកក៏បានប្រកាសបើកគម្រោងដីឡូត៍ឈ្មោះថា គម្រោងដីឡូត៍ឈ្មោះ ខេមរៈ សិរីមន្ត ជាង ២០០ ហិកតា នៅប៉ោយប៉ែត និងបន្ទាយមានជ័យ។

គួរកត់សម្គាល់ដែរថា បច្ចុប្បន្នត្រូវបានគេមើលឃើញថា មានសិល្បករ-ការិនីរបស់ខ្មែរជាច្រើនដួង ដែលមិនត្រឹមតែមានកេរ្តិ៍ឈ្មោះល្បី និងជោគជ័យលើវិស័យសិល្បៈនោះទេ គឺថែមទាំងបានបង្កើតនូវមុខជំនួញថ្មីជាបន្តបន្ទាប់នៅក្នុងដៃរៀងៗខ្លួនទៀតផង៕

អត្ថបទ ៖ ចាន់រ៉ា