ជីវិតកម្សាន្ដ

លោក ហ៊ុយ យ៉ាឡេង ថា មានពេលតែ ១០ ឆ្នាំទៀតទេ សម្រាប់ការផលិតភាពយន្ត

បានផុស

១ year មុន

នៅ

ថ្ងៃចន្ទ ២១ វិច្ឆិកា ២០២២

ដោយ

ផលិតករល្បីឈ្មោះរឿង “ដើម្បីកូន” លោក ហ៊ុយ យ៉ាងឡេង គិតមកដល់ពេលនេះ បានដាក់ខ្លួនចូលបម្រើសិល្បៈមានរយៈពេលយូរឆ្នាំទៅហើយ ខណៈស្នាដៃផលិតរបស់លោកមិនចាញ់ផលិតករឯទៀតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែរឿងដែលគួរឲ្យសោកស្ដាយនោះ លោក ហ៊ុយ យ៉ាឡេង កាលពីថ្មីៗនេះ បានសម្រេចប្រកាសដាក់លក់ផ្ទះ និងឡានបន្ទាន់ តម្លៃឡាយឡុង ដើម្បីយកលុយដោះបំណុលគេរាប់ម៉ឺនដុល្លារ បន្ទាប់ពីខាតបង់ក្នុងការផលិតរឿងអំឡុងពេលវិបត្តិកូវីដ-១៩ រយៈពេល ២ ឆ្នាំកន្លងទៅ ទើបធ្វើឲ្យលោកធ្លាក់ខ្លួនស្ថានភាពដ៏លំបាកបែបនេះ។

យ៉ាងណាមិញបន្ទាប់ពីរសាយនូវបញ្ហាបំណុលមួយរយៈនេះ ស្រាប់តែលោក ហ៊ុយ យ៉ាឡេង បានទទូចសុំឲ្យមហាជនហៅឈ្មោះថា “កថាជ័យ” ព្រោះហេតុផលថា លោកនៅមានពេលតែ ១០ ឆ្នាំទៀតទេ សម្រាប់ការផលិតភាពយន្ត។

លោក ហ៊ុយ យ៉ាឡេង បានរៀបរាប់ថា ខ្ញុំមានតែ ១០ ឆ្នាំម្តងទៀតទេ ខ្ញុំ ចង់ឲ្យបងប្អូនហៅឈ្មោះខ្ញុំថា កថាជ័យ ចាប់ពីថ្ងៃនេះទៅ ពេលវេលាមានតម្លៃណាស់សម្រាប់ខ្ញុំ។

លោក ហ៊ុយ យ៉ាឡេង បានបន្តទៀតថា សុខភាពមានតម្លៃណាស់សម្រាប់ខ្ញុំ អ្វីដែលត្រូវធ្វើ គឺ ៖

១-ខំធ្វើការគុណនឹង ២ សងបំណុលឲ្យអស់ចុង ២០២៤ , ២-បញ្ចប់ការងារភាពយន្តឲ្យបាន ២០ រឿងទៀត , ៣-មិនយកប្រពន្ធទេ តែត្រូវយកភរិយាឲ្យបាន , ៤-ថ្ងៃសីល ត្រូវទៅវត្តធ្វើបុណ្យសមាធិ , ៥-សងគុណម្ដាយឲ្យបានឆាប់ៗបំផុត , និង៦-សម្រេចកិច្ចការងារដូនតា សូមទេវតាជួយផ្តល់ថាមពលឲ្យកូនចៅ។