ជីវិតកម្សាន្ដ

តារាស្រី ៥ រូប មហាជនសរសើរសម្រស់ស្អាតខ្លាំង ពេលស្លៀកឈុតមង្គលការបែបប្រពៃណី

បានផុស

៤ years មុន

នៅ

ថ្ងៃចន្ទ ២៨ វិច្ឆិកា ២០២២

ដោយ

ក្នុងឆ្នាំ២០២២នេះមានតារាថៃស្រីៗជាច្រើន បានសម្រុករៀបអាពាហ៍ពិពាហ៍ព្រមៗគ្នា ខណៈម្នាក់ៗបញ្ចេញរូបភាពដ៏ស្រស់ស្អាត ក្នុងឈុតប្រពៃណីរបស់ប្រទេស។ ក្នុងនោះមានតារាថៃ ៥ ដួង ដែលមហាជនលាន់មាត់សរសើរពីសម្រស់ថាពិតជាស្រស់ស្អាតខ្លាំង ពេលស្ថិតក្នុងឈុតប្រពៃណី។

១ Patricia Good

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឈុតដែលតារាស្រីរូបនេះស្លៀក ពិតជាសមសួននឹងរូបរាងរបស់នាងជាខ្លាំង ខណៈ Patricia Good បានស្លៀកទៅវត្តអារាមជាមួយកូនកំលោះ Note Wiset Rangsi ដើម្បីសុំសេចក្ដីសុខមុនថ្ងៃរៀបការមកដល់ខែក្រោយនេះ។

២ Pancake Khemanit

Pancake ត្រូវបានគេចាត់ទុកថាជាតារាដែលមានរូបរាងស្អាតខ្លាំង មិនថានាងគ្រងឈុតប្រភេទណា គឺសុទ្ធតែសក្ដិសមទាំងអស់។ Pancake និងស្វាមីជាមន្ត្រីជាន់ខ្ពស់ Mee-Pol បានស្លៀកឈុតប្រពៃណីចូលក្រាបបង្គំគាល់ព្រះបាទ អរិយវង្ស សក្កថាណា អយ្យកោ ទៅសុំពរជ័យ និងប្រគេនទឹកនៅវត្តរាជបូភីសត្យា មហាស៊ីម៉ារាម ដើម្បីភាពរុងរឿងក្នុងថ្ងៃមង្គលការ និងខួបកំណើត មើលទៅពិតជាស្រស់ស្អាត និងគួរឲ្យចាប់អារម្មណ៍ខ្លាំងណាស់។

៣ Phanthila Fooklin

តារាសម្ដែងរូបនេះនិងគូស្នេហ៍ ក៏បានស្លៀកឈុតប្រពៃណីទៅវត្តសុំទឹកបរិសុទ្ធពីសម្ដេចព្រះអរិយវង្ស សក្កដា អយ្យកោ សាខុន មហាប៉ាតាងកា ប៉ារិនណុក ខណៈមនុស្សជាច្រើនបានឃើញហើយសរសើរពីឈុតនេះថា នាងស្លៀកហើយពិតជាស្អាតមែន។

៤ Ungsumalynn

តួឯកប្រុសស្រីដែលធ្លាប់សម្ដែងរឿង “កំពូលកូនប្រសាស្រី” ជាមួយគ្នា ទើបតែរៀបការកាលពីថ្ងៃទី២ ខែវិច្ឆិកានេះទេ។ អ្នកទាំងពីរបានធ្វើពិធីមង្គលការនៅវត្ត Ratchabophit Sathitmahasimaram នៅកណ្ដាលបរិយាកាសដ៏កក់ក្ដៅ និងសាមញ្ញ ជាមួយសាច់ញាតិភាគីទាំងពីរ រួមទាំងមិត្តភ័ក្ដិជិតស្និទ្ធទាំងក្នុងនិងក្រៅវិស័យសិល្បៈ បានមកចូលរួមក្នុងពិធីនេះ ហើយក្នុងថ្ងៃនោះត្រូវនិយាយថា Patty ស្ថិតក្នុងឈុតថៃដ៏ស្រស់ស្អាតឆើតឆាយគួរឱ្យស្រលាញ់ខ្លាំងណាស់។

៥ Maprang Virakarn

តារាសម្តែង Maprang Virakarn ជាមួយកូនកំលោះជាមន្ត្រីនគរបាល Pornprakit ដោយអ្នកទាំងពីរ កាន់ដៃបានចូលរោងការ នៅថ្ងៃទី១៤ ខែមីនា ឆ្នាំ២០២២ ខណៈមហាជនឃើញហើយមិនសរសើរសម្រស់កូនក្រមុំមិនបានឡើយ៕

ប្រែសម្រួល៖ សាង ស្រីល័ក្ខ

ចុចអាន៖ទាក់ភ្នែកមហាជន Pu Praya ស្លៀកប៊ីគីនីអង្គុយកាន់ដូង តាមប៉ែកនារីអឺរ៉ុប