សម្បត្តិបេតិកភណ្ឌខ្មែរចំនួន ៩ ហើយ ត្រូវបានចុះបញ្ជីសម្បត្តិបេតិកភណ្ឌពិភពលោក

ពិតជា​មោទកភាព​ខ្លាំង​ណាស់​សម្រាប់​ប្រជាជន និង​កូន​ខ្មែរ​គ្រប់រូប ដែល​គិត​មកទល់​ពេលនេះ សម្បត្តិ​បេតិកភណ្ឌ​ខ្មែរ​ចំនួន ៩ ហើយ ត្រូវ​បាន​ចុះបញ្ជី​សម្បត្តិ​បេតិកភណ្ឌ​ពិភពលោក។

ក្នុង​នោះ​មាន​សម្បត្តិ​វប្បធម៌​រូបី​ចំនួន ៣ និង​សម្បត្តិ​វប្បធម៌​អរូបី ៦។

ចំពោះ​សម្បត្តិ​បេតិកភណ្ឌ​ខ្មែរ​ចំនួន ៩ ដែល​ត្រូវ​បាន​ចុះបញ្ជី​សម្បត្តិ​បេតិកភណ្ឌ​ពិភពលោក​នោះ​រួមមាន ៖

១.តំបន់​អង្គរ ៖ សម្បត្តិ​បេតិកភណ្ឌ​ពិភពលោក​ចុះ​បញ្ជី​នៅ​ថ្ងៃ​ទី ១៤ ខែ​ធ្នូ ឆ្នាំ ១៩៩២។

២. របាំ​ព្រះរាជ​ទ្រព្យ ៖ សម្បត្តិ​បេតិកភណ្ឌ​វប្បធម៌​អរូបី នៃ​មនុស្សជាតិ ចុះបញ្ជី​នៅ​ថ្ងៃ​ទី ៧ ខែ​វិច្ឆិកា ឆ្នាំ ២០០៣។

៣.ប្រាសាទ​ព្រះវិហារ ៖ សម្បត្តិ​បេតិកភណ្ឌ​ពិភពលោក ចុះបញ្ជី​នៅ​ថ្ងៃ​ទី ៧ ខែ​កក្កដា ឆ្នាំ ២០០៧។

៤.ល្ខោន​ស្រមោល​ស្បែក​ធំ ៖ សម្បត្តិ​បេតិកភណ្ឌ​វប្បធម៌​អរូបី នៃ​មនុស្សជាតិ ចុះបញ្ជី​នៅ​ថ្ងៃ​ទី ២៥ ខែ​វិច្ឆិកា ឆ្នាំ ២០១៥។

៥.ល្បែង​ទាញព្រ័ត្រ ៖ សម្បត្តិ​បេតិកភណ្ឌ​វប្បធម៌​អរូបី នៃ​មនុស្សជាតិ ចុះបញ្ជី​នៅ​ថ្ងៃ​ទី ២ ខែ​ធ្នូ ឆ្នាំ ២០១៥។

៦.ចាប៉ី​ដង​វែង ៖ សម្បត្តិ​បេតិកភណ្ឌ​វប្បធម៌​អរូបី ត្រូវការ​សង្គ្រោះ​បន្ទាន់ ចុះបញ្ជី​នៅ​ថ្ងៃ​ទី ៣០ ខែ​វិច្ឆិកា ឆ្នាំ ២០១៦។

៧.តំបន់​ប្រាសាទ​សំបូរ​ព្រៃ​គុក ៖ សម្បត្តិ​បេតិកភណ្ឌ​ពិភពលោក ចុះបញ្ជី​នៅ​ថ្ងៃ​ទី ៨ ខែ​កក្កដា ឆ្នាំ ២០១៧។

៨.ល្ខោនខោល​វត្ត​ស្វាយ​អណ្ដែត ៖ សម្បត្តិ​បេតិកភណ្ឌ​វប្បធម៌​អរូបី ត្រូវការ​សង្គ្រោះ​បន្ទាន់ ចុះបញ្ជី​នៅ​ថ្ងៃ​ទី ២៨ ខែ​វិច្ឆិកា ឆ្នាំ ២០១៨។

៩.គុន​ល្បុក្កតោ ៖ សម្បត្តិ​បេតិកភណ្ឌ​វប្បធម៌​អរូបី នៃ​មនុស្សជាតិ ចុះបញ្ជី​នៅ​ថ្ងៃ​ទី ២៩ ខែ​វិច្ឆិកា ឆ្នាំ ២០២២៕

អត្ថបទ ៖ ចាន់រ៉ា