ជីវិតកម្សាន្ដ

ពេលនេះច្បាស់ហើយ មកដឹងពេលវេលា ពេជ្រ វត្តីសារ៉ាវឌ្ឍី វិលមកកម្ពុជាវិញ

បានផុស

២ years មុន

នៅ

ថ្ងៃពុធ ២៨ ធ្នូ ២០២២

ដោយ

កញ្ញា ពេជ្រ វត្តីសារ៉ាវឌ្ឍី ជា Miss Grand Cambodia 2022 និងជា 5th Runner Up Miss Grand International 2022 បានឱ្យដឹងថា ឥឡូវនេះនាងមានគម្រោង និងឱកាស ធ្វើដំណើរវិលត្រឡប់ទៅកាន់មាតុភូមិវិញនាពេលខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ពេជ្រ វត្តីសារ៉ាវឌ្ឍី បានលើកឡើងថា បន្ទាប់ពីចំណាយពេលវេលារយៈពេល ៣ខែកន្លងមក តំណាងព្រះរាជាណាចក្រកម្ពុជា នៅក្នុងការប្រកួតលើឆាកអន្តរជាតិ និងបំពេញភារកិច្ចមួយចំនួនជាមួយ Miss Grand International Organization ក្នុងនាមជា 5th Runner Up ថ្ងៃនេះនាង បញ្ជាក់ពីព័ត៌មានអំពីការហោះហើរវិលត្រឡប់មកកម្ពុជាវិញ។

កញ្ញា ពេជ្រ វត្តីសារ៉ាវឌ្ឍី បញ្ជាក់បន្ថែមថា៖ “គឺនាងខ្ញុំវិលត្រឡប់មកកម្ពុជា នៅថ្ងៃទី០២ ខែមករា ឆ្នាំ២០២៣ នៅវេលាម៉ោង ៦:២៥ នាទីល្ងាច នាងខ្ញុំនឹងធ្វើការហោះហើរចាកចេញពីទីក្រុងបាងកក អាកាសយាន្តដ្ឋានអន្តរជាតិសុវណ្ណភូមិ មកកាន់អាកាសយាន្តដ្ឋានអន្តរជាតិភ្នំពេញ មកដល់វេលាម៉ោង ៧:៣៥នាទីយប់!”។

កញ្ញា ពេជ្រ វត្តីសារ៉ាវឌ្ឍី លើកឡើងបន្តថា៖ “ចង់ប្រាប់ថា នឹកប្រទេសកម្ពុជា នឹកប្រជាជនខ្មែរ នឹកអាហារខ្មែរ នឹកគ្រប់យ៉ាងជាខ្មែរ ចាំជួបគ្នានៅប្រលានទាំងអស់គ្នាណា កំឡុងម៉ោង ៨យប់ សង្ឃឹមថាបានជួបពុកម៉ែបងប្អូន ពិសេសអ្នកគាំទ្រជាទីស្រឡាញ់របស់នាងខ្ញុំ ពីមុនថា ចង់ឱ្យគេមកខ្មែរ ឥឡូវគេមកហើយណា! អរគុណ”។

គួរបញ្ជាក់ថា កញ្ញា ពេជ្រ វត្តីសារ៉ាវឌ្ឍី ជា Miss Grand Cambodia 2022 បានចូលរួមប្រឡង Miss Grand International 2022 នៅប្រទេសឥណ្ឌូណេស៊ី តាំងពីខែតុលា ឆ្នាំ២០២២ និងទទួលបានជ័យលាភី លំដាប់រងទី៥ 5th Runner Up Miss Grand International 2022។ បន្តមកទៀត នាងបានជាប់កិច្ចសន្យាជាមួយក្រុមហ៊ុន Grand International ដោយបន្តសម្ដែងនៅប្រទេសថៃ និងប្រទេសមួយចំនួនទៀត ដោយទទួលបានការគាំទ្រពីមហាជនជាច្រើន៕