BLACKPINK និង BTS ត្រូវបានជ្រើសរើសជាប់ឈ្មោះសម្រាប់ដណ្តើមពានរង្វាន់តន្ត្រី iHeartRadio Music Awards របស់សហរដ្ឋអាមេរិក ហើយក្រុមចម្រៀងទាំងពីរនឹងក្លាយជាក្រុមចម្រៀង K-Pop ដំបូងគេចូលរួមកម្មវិធីមួយនេះ ។

នៅថ្ងៃទី ១១ ខែមករា (ម៉ោងនៅសហរដ្ឋអាមេរិក ) កម្មវិធី ‘iHeartRadio Music Awards’ បានប្រកាសបញ្ជីឈ្មោះបេក្ខភាពសម្រាប់ចូលរូមកម្មវិធីប្រគល់ពានរង្វាន់នៅឆ្នាំនេះ។ ក្នុងចំណោមនោះក៏មានក្រុមចម្រៀង K-pop ធំៗចំនួនពីរគឺ BLACKPINK និង BTS បានទទួលការតែងតាំងជាបេក្ខភាពក្នុងការដណ្តើមពានរង្វាន់ច្រើន ។

BLACKPINK នឹងចូលរួមដណ្តើមពានរង្វាន់តន្ត្រីចំនួនបួនផ្សេងគ្នា រួមមាន Best Duo/Group of the Year ក៏ដូចជាប្រភេទចំនួនបីដែលត្រូវបានបោះឆ្នោតគាំទ្រពីបណ្តាញសង្គមដូចជា Favorite Use of a Sample , Best Music Video, និង Best Fan Army ។ ចំណែក BTS នឹងចូលរួមដណ្តើមពានរង្វាន់ Best Music Video និង Best Fan Army ក៏ដូចជាសមាជិក Jungkook បានជាប់ជាបេក្ខភាពទោលសម្រាប់ដណ្តើមពានរង្វាន់ Best Music Video ជាមួយនឹងបទ “Left and Right,” ដែលជាការសហការជាមួយតារាចម្រៀង Charlie Puth ។

ជាមួយគ្នានេះ កម្មវិធី iHeartRadio Music Awards ឆ្នាំ ២០២៣ នឹងប្រព្រឹត្តទៅនៅថ្ងៃទី ២៧ ខែមីនា វេលាម៉ោង ៨ យប់ ហើយនឹងមានការបោះឆ្នោតសង្គមចាប់ពីថ្ងៃទី ១១ ខែមករា រហូតដល់ថ្ងៃទី ២០ ខែ មីនា ៕

ប្រែសម្រូល៖នាងតូច

ចុចអាន៖BLACKPINK អាចប្រគំតន្ត្រី Coachella លើកទីពីរ នៅ សហរដ្ឋអាមេរិក