BLACKPINK អាចប្រគំតន្ត្រី Coachella លើកទីពីរ នៅ សហរដ្ឋអាមេរិក

ជាផ្លូវការហើយក្រុមចម្រៀង BLACKPINK នឹងសម្តែងជាលើកទីពីរនៅមហោស្រពតន្ត្រី Coachella របស់សហរដ្ឋ អាមេរិក ដែលការបង្ហាញខ្លួនជាលើទីពីរក្នុងនាមជាតារាចម្រៀង K-pop ដំបូងគេក្នុងបញ្ជីឈ្មោះសិល្បៈករជួរមុខ (Headliner) ។

នៅក្នុងការប្រកាសជាផ្លូវការដែលបានចេញផ្សាយកាលពីថ្ងៃអង្គារ (ម៉ោងនៅសហរដ្ឋអាមេរិក) មហោស្រពតន្ត្រី និងសិល្បៈ Coachella Valley បានបង្ហាញឈ្មោះក្រុមនិងតារាចម្រៀងសម្តែងសម្រាប់ព្រឹត្តិការណ៍ប្រចាំឆ្នាំដែលនឹងប្រារព្ធឡើងនៅក្លឹប Empire Polo ក្នុងទីក្រុង Indio រដ្ឋកាលីហ្វ័រញ៉ា ដែលមានក្រុម BLACKPINK, តារារ៉េប Bad Bunny និងតារាចម្រៀង Frank Ocean ក្នុងបញ្ជីឈ្មោះសិល្បៈករជួរមុខ (Headliner) ។

ជាមួយគ្នានេះ BLACKPINK ធ្លាប់បានសម្តែងនៅ Coachella ក្នុងឆ្នាំ ២០១៩ ជាពិសេសសម្រាប់ការត្រលប់មកវិញក្នុងព្រឹត្តិការណ៍សម្តែងនៅឆ្នាំនេះ ពួកគេនឹងក្លាយជាសិល្បករ K-pop ដំបូងគេដែលដាក់ក្នុងបញ្ជីឈ្មោះសិល្បៈករជួរមុខ (Headliner) ។

លើសពីនេះ BLACKPINK កំពុងទទួលបានការចាប់អារម្មណ៍ពីមហោស្រពតន្ត្រីអន្តរជាតិ ធំៗជាច្រើននៅក្រៅប្រទេស ក្រៅពី Coachellaឆ្នាំនេះនឹងប្រារព្ធឡើងខែ មេសា។ BLACKPINK នឹងរួមសម្តែងក្នុងព្រឹត្តិកាណ៍ Music Festival ដ៏ធំរបស់ចក្រភពអង់គ្លេស British Summer time Hyde Park នៅខែកក្កដាផងដែរ៕

ប្រែសម្រួល៖នាងតូច

ចុចអាន៖អាល់ប៊ុមថ្មីរបស់ក្រុម TXT ត្រូវបញ្ជាទិញមុន កើនលើស ១.៥៦ លានបន្ទះ