កាលពី ២ថ្ងៃមុន តារាចម្រៀង Jennie សមាជិកក្រុម BLACKPINK បានប្រារព្ធពិធីខួបកំណើតរបស់នាងយ៉ាងសាមញ្ញ ប៉ុន្តែតារាស្រីរូបនេះទទួលបានក្តីស្រឡាញ់ដ៏ហូរហៀរពីមិត្តភក្តិ និងអ្នកគាំទ្ររាប់លានតាមរយៈពាក្យជូនពរនៅលើបណ្តាញសង្គម។

បន្ថែមពីលើពាក្យជូនពរពីអ្នកគាំទ្រ និងអំណោយពីមិត្តជិតស្និទ្ធប៉ុន្មាននាក់ សមាជិក BLACKPINK រូបនេះ ក៏បានទទួលអំណោយពីមនុស្សជាទីស្រឡាញ់ផងដែរ គឺជាអ្នកម្ដាយរបស់នាងតែម្ដង ដោយគាត់បានជូនបាច់កុលាបពណ៌ខៀវ ដល់ Jennie ក្នុងថ្ងៃពិសេសរបស់នាង។

ក្រោយទទួលបានបាច់ផ្កា Jennie ​បាន​ចែក​រំលែក​រូបថត​អបអរ​ថ្ងៃខួបរបស់​នាង​នៅ​លើ Instagram ក្នុង​ឈុត​ទន្សាយ ដោយភ្ជាប់ជាមួយខេបសិនបង្ហាញអារម្មណ៍រំភើបថា “my blueee rosessss (កុលាបខៀវរបស់ខ្ញុំ) អរគុណម៉ាក់ កូនស្រឡាញ់ម៉ាក់។ កូនជាមនុស្សមានសុភមង្គលជាងគេក្នុងពិភពលោក” ។

គួររំលឹកថា នេះមិនមែនជាលើកទី១ទេ ដែល Jennie ទទួលបានបាច់ផ្កាកុលាបពីម្ដាយរបស់នាង ព្រោះច្រើនមកនេះ អ្នក​គាំទ្រ​​សង្កេត​ឃើញ​ម្ដាយ​ Jennie តែងតែផ្ញើបាច់ផ្កាឱ្យនាងជារៀងរាល់ឆ្នាំ៕

ប្រែសម្រួល៖ សន្យា

ចុចអាន៖ មូលហេតុពីរចំណុច អ្នកវះកាត់កែសម្ផស្សច្រើនលើសលុប យកគម្រូតាមទម្រង់មុខ Jennie