តារាសម្ដែង Brad Pitt មិនមានឈ្មោះក្នុងបញ្ជីពានរង្វាន់ Oscar ឆ្នាំ ២០២៣ ទេ

យោងទៅតាមក្នុងបញ្ជីឈ្មោះបេក្ខភាពក្នុងចំណាត់ថ្នាក់តារាសម្ដែងឆ្នើម Oscar ឆ្នាំ ២០២៣ ទើបនឹងត្រូវបានប្រកាសឃើញថា តារាសម្តែង Brad Pit មិនមានឈ្មោះក្នុងការចូលរួមដណ្តើមពានរង្វាន់អូស្ការសម្រាប់ឆ្នាំនេះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមជាកម្មវិធីពានរង្វាន់ភាពយន្តដ៏មានកិត្យានុភាពបំផុតដែលទទួលបានការចាប់អារម្មណ៍ជាសកល ពានរង្វាន់អូស្ការនៅពេលប្រកាសអំពីបញ្ជីឈ្មោះបេក្ខភាពដែលវាទាក់ទាញការចាប់អារម្មណ៍ពីអ្នកខាងក្នុងឧស្សាហកម្មផងដែរ។ ហើយនៅឆ្នាំនេះ ជាការពិតដែលថាតារាសម្តែង Brat Pitt ធ្លាក់ចេញពីបញ្ជីចុងក្រោយនៃពានរង្វាន់ the Best Actor របស់ Oscar ។

ជាមួយគ្នានេះ ក៏មានឈ្មោះបេក្ខភាពជាច្រើននឹងចូលរួមប្រកួតប្រជែងពានរង្វាន់មួយនេះរួមមាន តារាសម្តែង Austin Butler , Colin Farrell , Bill Nighy និង Paul Mescal ជាចុងក្រោយតារាសម្តែងជើងចាស់ Brendan Fraser ។

យ៉ាងណាមិញ Brad Pitt បានសម្តែងសម្រាប់តួនាទីរបស់លោកនៅក្នុងខ្សែភាពយន្ត Babylon និងរឿង Bullet Train ដែលបានចេញផ្សាយក្នុងឆ្នាំ ២០២២ តែមិនបានឈានដល់បញ្ជីឈ្មោះចុងក្រោយនៃបេក្ខជននោះទេ ដោយ Brad Pitt ត្រូវបានគេរំពឹងថានឹងស្ថិតក្នុងបញ្ជីបេក្ខភាពពានរង្វាន់ Oscar នៅឆ្នាំនេះ៕

ប្រែសម្រួល៖នាងតូច

ចុចអាន៖Justin Bieber លក់សិទ្ធិចម្រៀងក្នុងតម្លៃ ២០០ ពាន់លានដុល្លារ