តារាស្រី Aum Pachayapa ជា​តារា​សម្ដែង និងបង្ហាញម៉ូដលំដាប់​ជួរ​មុខក្នុងប្រទេស​ថៃ ដែលទទួលបានប្រជាប្រិយភាពអស់រយៈពេល ២៦ឆ្នាំមកហើយ រាប់តាំងពីនាងចូលប្រឡូកក្នុង​វិស័យសិល្បៈដំបូង អំឡុងឆ្នាំ១៩៩៧ ។

បច្ចុប្បន្ន ក្រៅពីសម្ដែងភាពយន្ត និងដើរម៉ូដ Aum គឺជាអ្នកតំណាងម៉ាកយីហោធំៗជាច្រើនទាំងក្នុង និងក្រៅស្រុក។ មិនតែប៉ុណ្ណោះនាងជាសហគ្រិនលើជំនួញធំៗពីរកន្លែង ដែលវាជាប្រភពចំណូលដ៏មហាសាលសម្រាប់តារាស្រីរៀមច្បងរូបនេះ។

ដោយសារភាពល្បីល្បាញលំដាប់កំពូល Aum រកចំណូលបានមិនតិចនោះទេពីការថតភាពយន្ត ថតស្ពតពាណិជ្ជកម្ម ក៏ដូចជាចូលរួមកម្មវិធីនានា ក្នុងនាមជាពិធីការិនី ឬតារាកិត្តិយស។

ប្រសិនបើក្រុមហ៊ុនចង់អញ្ជើញ តារាវ័យ ៤៤ឆ្នាំរូបនេះ ចូលរួមក្នុងកម្មវិធីរបស់ខ្លួន ពួកគេត្រូវចំណាយយ៉ាងតិច ៣-៤សែនបាត (ប្រហែល ៩-១២ម៉ឺនដុល្លារ)។ ចំណែកឯក្រុមហ៊ុនដែលចង់ទាក់ទងនាងក្នុងការប្រម៉ូត ឬ តំណាងឱ្យក្រុមហ៊ុនរបស់ខ្លួនដើម្បីផ្សព្វផ្សាយផលិតផល ពួកគេត្រូវចំណាយ ១២-១៥លានបាត (ប្រហែល ៣៦-៤៥ម៉ឺនដុល្លារ)។

បើងាកទៅមើលទ្រព្យសម្បត្តិវិញ ប្រឡូកក្នុងវិស័យសិល្បៈ ២៦ឆ្នាំមកនេះ Aum Pachayapa កំពុងកាន់កាប់ទ្រព្យសម្បត្តិរាប់សិបលានដុល្លារឯណោះ។ យោងតាមទិន្នន័យ ឆ្នាំ២០២០ នាងមានទ្រព្យសម្បត្តិប្រមាណ ១២លានដុល្លារអាមេរិក ខណៈឆ្នាំ២០២៣នេះ នៅមិនទាន់ប្រភពច្បាស់ការ ទម្លាយទ្រព្យសម្បត្តិរបស់ Aum នោះទេ ប៉ុន្តែបើតាមការប៉ាន់ស្មានរបស់អ្នកវិភាគ បច្ចុប្បន្ននាងមានប្រាក់យ៉ាងតិច ១៧លានដុល្លារអាមេរិក៕

ប្រែសម្រួល៖ សន្យា

ចុចអាន៖ ទម្លាយការពិតអំពី Aum Pachayapa តារាស្រីថៃឈ្នះពានរង្វាន់ច្រើនជាងគេ

ចុចអាន៖ មហាជនសរសើរទឹកចិត្ត Aum ក្រោយបរិច្ចាគប្រាក់ជួយជាងថតរូបចូលនិវត្តន៍