លើកមុខមាត់ជាតិ! បវរកញ្ញាប្រេស៊ីលពីររូប ក្លាយជាម្ចាស់មកុដកម្មវិធីប្រកួតសម្រស់អន្តរជាតិផ្ទួនៗគ្នា

កម្មវិធីប្រកួតសម្រស់ Miss Charm 2023 ក្នុងវគ្គផ្ដាច់ព្រ័តកាលពីថ្ងៃទី១៦ ខែកុម្ភៈ ឆ្នាំ២០២៣ មិ្សលមិញនេះ បានរកឃើញម្ចាស់គ្រងមកុដថ្មី ដែលបានទៅលើបវរកញ្ញាតំណាងប្រទេសប្រេស៊ីល នាង Luma Russo ។ បន្ទាប់ឈ្នះមកុដមួយនេះ នាងបានក្លាយជាអ្នកតំណាងជាតិទី២នៃប្រទេសប្រេស៊ីល ដែលដណ្ដើមបានតំណែងឯកលើឆាកអន្តរជាតិ ក្រោយពីនាង Isabella Menin ឈ្នះមកុដ Miss Grand International 2022 កាលពីចុងឆ្នាំ២០២២ កន្លងទៅ។  

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍នេះបានទាក់ទាញចំណាប់អារម្មណ៍ទស្សនិកជនរាប់លាននាក់ ខណៈចុងឆ្នាំ២០២២ បវរកញ្ញាប្រេស៊ីលដណ្ដើមមកុដបានម្នាក់ ហើយដើមឆ្នាំ២០២៣ បវរកកញ្ញតំណាងប្រទេសនេះ ដណ្ដើមមកុដឯកបានម្នាក់ទៀត ពោលរយៈពេលមិនដល់បាន ៣ខែស្រួលបួលផង បវរកញ្ញាប្រេស៊ីលឈ្នះមកុដផ្ទួនៗគ្នា។

បើនិយាយពីសមត្ថភាពពី ទេពកោសល្យ និងការអប់រំរបស់បវរកញ្ញាទាំងពីរ​ សុទ្ធសឹងមានប្រវត្តិមិនធម្មតាឡើយ។ បវរកញ្ញា Luma Russo ជាតារបង្ហាញម៉ូដ និងជាអ្នកបើកយន្តហោះ ចំណែកបវរកញ្ញា Isabella Menin រៀនចប់អនុបណ្ឌិតផ្នែកសេដ្ឋកិច្ច ហើយអាចនិយាយដល់ទៅ ៦ភាសាគឺ បារាំង អង់គ្លេស អេស្ប៉ាញ ព័រទុយហ្គាល់ អ៊ីតាលី និងភាសាប្រេស៊ីល។ ក្រៅពីមានប្រវត្តិអប់រំល្អ បវរកញ្ញាវ័យ ២៦ឆ្នាំរូបនេះ គឺជាសកម្មជនមនុស្សធម៌ដ៏សកម្មមួយរូប ដោយនាងជាអ្នកផ្ដួចផ្ដើមគំនិត​បង្កើតគម្រោង “Beyond Project” ​ដែលជាគម្រោងជួយជនពិការនៅក្នុងប្រទេសកំណើតរបស់នាង។

ងាកទៅប្រជាជនប្រេស៊ីលវិញ ពួកគេពិតជាសាទរ និងមានមោទកភាពបំផុតចំពោះជ័យជម្នះរបស់បវរកញ្ញាទាំងពីររូប ខណៈពិភពលោកទាំងមូលក៏មានការកោតសរសើរចំពោះសមត្ថភាពស្ត្រីប្រេស៊ីលផងដែរ៕

ប្រែសម្រួល៖ សន្យា

ចុចអាន៖ មុនក្លាយជាម្ចាស់មកុដ MGI ឆ្នាំនេះ​ បវរកញ្ញា Isabella Menin ជាសកម្មជនមនុស្សធម៌ និងមានប្រវត្តិអប់រំខ្ពស់