តុបតែងខ្លួនលើកនេះ Jisoo ទាក់ទាញចំណាប់អារម្មណ៍ ក្នុងកម្មវិធី Paris Fashion Week 2023

នៅពេលដែល Jisoo សមាជិក BLACKPINK មានវត្តមាននៅក្នុងកម្មវិធី Dior នោះរាល់ការចាប់អារម្មណ៍របស់ប្រព័ន្ធផ្សព្វផ្សាយ ក៏ដូចជាទស្សនិកជនបានងាកទៅរកតារា K-Pop នារីម្នាក់នេះ។

ការចូលរួមកម្មវិធី Dior នៃព្រឹត្តិការណ៍បង្ហាញម៉ូដParis Fashion Week នេះ Jisoo សមាជិកក្រុម BLACK PINK បានបង្ហាញខ្លួនជាមួយនឹងរូបរាងថ្មីខុសប្លែកទាំងស្រុងរបស់នាង។ នៅពេលដែលនាងបង្ហាញខ្លួនភ្លាម Jisoo បានទាក់ទាញចាប់អារម្មណ៍គ្រប់ក្រសែភ្នែករបស់អ្នកកាសែត ជាមួយរ៉ូបពណ៌ស្វាយដ៏ស្រស់ស្អាត នឹងការតុបតែងខ្លួនយ៉ាងស្រស់ស្អាត ។ លើសពីនេះ ម៉ូដែលកាបូប Lady Dior ក៏ជាចំណុចលេចធ្លោដ៏ល្អឥតខ្ចោះសម្រាប់សំលៀកបំពាក់របស់តារាស្រី K-Pop ផងដែរ ។

ជាមួយគ្នានេះ ភ្លាមៗបន្ទាប់ពី Jisoo បានបង្ហាញខ្លួនរូបភាពរបស់នាង ត្រូវបានបង្ហោះអ្នកគាំទ្រប្រើប្រាស់បណ្តាញទំនាក់ទំនងសង្គមដូចជា Twitter, Instagram ចែករំលែករូបថតនិង វីដេអូយ៉ាងឆាប់រហ័ស។ រូបភាពរបស់ Jisoo ក្នុងកម្មវិធីបង្ហាញម៉ូដ Dior បច្ចុប្បន្នគឺជាប្រធានបទដ៏លេចធ្លោបំផុតមួយនៅលើបណ្តាញសង្គមនាពេលបច្ចុប្បន្ននេះ ។

យ៉ាងណាមិញ កាលពីពេលថ្មីៗនេះ Jisoo ទើបតែបង្ហាញមុខនៅលើទស្សនាវដ្ដី Vogue France ដោយបានក្លាយជាតារា K-pop ដំបូងគេនៅលើក្របទស្សនាវដ្តីដ៏ល្បីល្បាញបំផុតនៅលើពិភពលោក ។ ទន្ទឹមនឹងនោះ សំលៀកបំពាក់ក៏ដូចជាទស្សនាវដ្ដីត្រូវបានលក់ដាច់គ្មានសល់ក្រោយបានចេញផ្សាយ ៕

ប្រែសម្រូល៖នាងតូច

ចុចអាន៖អ្នកគាំទ្រ ៧ រូប ហ៊ានចាយប្រាក់ពាន់លានដុល្លារ វះកាត់ឲ្យដូចតារាខ្លួនស្រលាញ់