អ្នកស្នេហានិយមតាមដាន និងអ្នកគាំទ្រវិស័យប្រឡងបវរកញ្ញាបង្ហាញការភ្ញាក់ផ្អើលគ្រប់គ្នាខណ: ត្រឹមតែរយៈ​ពេល២ថ្ងៃប៉ុណ្ណោះ ក្រោយបញ្ចប់ការប្រកួតបរវកញ្ញាភេទទី៣ នៅកម្ពុជា២០២៣ (Miss que en Cambodia 2023 ) ស្រាប់តែជ័យលាភីលំដាប់រងទី១ និងទី២MQC2023 ប្រកាសបោះបង់ពីតំណែងព្រមគ្នា។

គេកត់សម្គាល់សម្រាប់បវរកញ្ញាដែលប្រកាសលាលែងដំណែងដំបូងគេគឺកញ្ញា ជា ដេវីណា ដែលជាបវរកញ្ញាភេទទី៣ លំដាប់រងទី១បានប្រកាសលាលែងពីតំណែងយ៉ាងភ្ញាក់ផ្អើលកាលពីរសៀលថ្ងៃទី១០ខែមីនាឆ្នាំ២០២៣។ ដេវីណា បានបញ្ជាក់ថា នាងខ្ញុំ ដេវីណា ម្ចាស់ពានMiss queen cambodia2023 ចំណាត់ថ្នាក់first runner up ខ្ញុំបានលាលែងពីតំណែងជាផ្លូវការហើយ។

នាងបន្ថែមថា សូមថ្លែងអំណរគុណម្តងទៀតដល់បងប្អូនអ្នកគាំទ្រមិត្តភក្តិ និងក្រុមគ្រួសារដែលតែង​តែមានការ​គាំទ្រលើកទឹកចិត្តរូបនាងខ្ញុំ។ ចំពោះការប្រកាសលាលែងពីតំណែងលំដាប់រងទី១ពីសំណាក់បវរកញ្ញា ដាវីណា នៅមិនទាន់ត្រូវបានបញ្ជាក់ពីមូលហេតុណាមួយឲ្យច្បាស់លាស់នៅឡើយទេ។

មិនខុសគ្នាពីកញ្ញា ដេវីណាទេ ចំណែកឯជ័យលាភីលំដាប់រងទី២កញ្ញា ដាវីកា ក៏បានប្រកាសពីដំណឹង​លាឈប់ពី​តំណែង​នេះផងដែរ។ ចំពោះមូលហេតុនាងក៏បានទាន់បានបញ្ជាក់ថា កើតឡើងដោយសារបញ្ហាអ្វីនោះដែរ។ ដាវីកា បានរៀបរាប់ថា សួស្តីបងប្អូនទាំងអ ស់គ្នានាងខ្ញុំ ដាវីកា ជាលំដាប់រងទី២នៃកម្មវិធីMiss queen Cambodia 2023 សូមប្រកាសជាសាធារណ:ថា នាងខ្ញុំសូមលាលែងតំណែងចាប់ពីពេលនេះតទៅហើយ។ សូមអរគុណដល់​ពុកម៉ែបងប្អូនទាំងអស់ដែលស្រលាញ់និងគាំទ្រនាងខ្ញុំ។

តាមការសង្កេតឃើញក្រោយប្រកាសលាលែងតំណែងលំដាប់រងទី១និងរងទី២របស់បវរកញ្ញាភេទទី៣ក ញ្ញា ដេវីណា និងកញ្ញា ដាវីកា នេះបានធ្វើឲ្យអ្នកគាំទ្រសម្តែងការសោកស្តាយនិងភ្ញាក់ផ្អើលគ្រប់​គ្នាព្រោះពួកគេទើបតែគ្រងតំណែង​លំដាប់រងទី១និងទី២បានប្រមាណតែ២ថ្ងៃប៉ុណ្ណោះ។

គួររម្លឹកដែរថា សម្រាប់ការមិនទទួលបានតំណែងធំជាម្ចាស់ជ័យលាភីម្កុដបវរកញ្ញាភេទទី៣កម្ពុជា២០២៣របស់ ដាវីណា ក៏បង្កឲ្យក្រុមអ្នកលេងបណ្តាញសង្គមមានការមិនអស់ចិត្ត និងនៅតែមើលឃើញថា ដាវីណា ក៏សមក្លាយជា​តួឯក​រដូវកាលនេះ៕ ចាន់រ៉ា