អ្នកគាំទ្រសរសើរសម្រស់ Nune ក្រោយស្លៀកឈុតនាងសីតា

អ្នកគាំទ្រជាច្រើនពោលសរសើរសម្រស់តារា​ស្រីជំនាន់ចាស់ Nune Woranuch​ យ៉ាងភ្លូកទឹកភ្លូកដី ក្រោយនាង​បង្ហោះ​រូបភាព​ឈុត​បុរាណ​ប៉ុន្មានសន្លឹកតាមរយៈបណ្ដាញសង្គម Instagram ផ្ទាល់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពខាងលើនេះ Nune បញ្ចាក់ថា នេះ​សម្រាប់ព្រឹត្តិការណ៍ Ramayana អន្តរជាតិក្នុង​ពិធីបុណ្យ Ayutthaya Khon ឆ្នាំទី៤ នឹង​ប្រារព្ធឡើង​យ៉ាង​អធិកអធម នៅដើមខែមេសា។ ជាមួយគ្នានេះ រៀមច្បង Nune ក៏បានចេញសារទៅកាន់អ្នកគាំទ្រ​ឲ្យចូលរួមឲ្យបានច្រើនកុះករ និងឲ្យតាមដានបរិយាកាសក្នុងព្រឹត្តិការណ៍នេះ តាមរយៈ​Caption ក្រោម Post ថា “ថ្ងៃទី ០១ ខែមេសា ជួបសីតា ក្នុងកម្មវិធី Ramayana Ayothaya Parade by Khun Wo at Phra Nakhon Si Ayutthaya. #Chuichai Brahmin”។

លើសពីនេះ ការផាត់មុខបែបនាងសីតារបស់ Nune ក៏ទទួលការសរសើរព្រោងព្រាតពីសំណាក់មហាជន ជាពិសេសអ្នកគាំទ្ររបស់នាងថាឲ្យតែ Nune ស្លៀកឈុតបុរាណមិនមានឈុតដែលថានាងស្លៀកហើយមិនសមនោះទេ។ ម្យ៉ាងទៀតរូបភាពរបស់នាងដូចជានារីសម័យបុរាណដ៏រស់រវើក មានកាយវិការគួរឲ្យស្ងប់ស្ងែង។ ស្របពេលនោះដែរ អ្នកគាំទ្របាននិងសម្រុកចូលទៅចុច Like ដ៏ច្រើនលើសលប់ដល់ទៅ ១៥,០០០ដង មិនធ្លាប់មានកន្លងមក៕

ប្រែសម្រួល៖ សាង ស្រីល័ក្ខ

ចុចអាន៖Weir ចែករំលែកសុភមង្គលពិតក្នុងជីវិត ក្នុងនាមជាឪពុកថ្មីថ្មោង

ចុចអាន៖Bella បង្ហាញឈុតដៃតូចរឹបដងខ្លួន ទស្សនិកជនកម្រឃើញនាងក្នុងសភាពសិចស៊ី